لګوونكو د زړه ساتلو د پاره به په اوچت آواز باندې جواب وركووم. ٭ د اِجتِماع نه پس به پخپله ورمخكښې كيږم او سَلام و مُصافَحه او اِنفرادي كوشش به كووم.

صَـــلُّـــوْا  عَـــلَـی   الْــحَـــبِــيْــب!                    صَـلَّـی اللهُ   تَعالٰـی عَلـٰی   مُـحَـمَّد

    خوږو او مُحترمو اسلامي ورونړو! د اسلامي كال د آخري مياشتے ذُوالْحِجَّۃِ الْحَرام آخري ورځے دي، نزدے ده چه د مُحَرَّمُ الْحرام مياشت به ښكاره شي او خپل بركتونه به عام كړي او نوے اسلامي كال به شروع شي. د اسلامي كال وړومبئ مياشت مُحَرَّمُ الْحرام ډير نسبتونه لري، لكه په دې مياشت كښې د حق او باطل لوئي جنګ ”واقعه كربلا“ شوي وه، په دې مياشت كښې د حضرت موسٰى عَلَيْهِ السَّلام مدد شوے وو او فرعون او د هغه لښكر هلاك شوے وو. په دې مياشت كښې د حضرت نوح عَلَيْهِ السَّلام كشتئ په ”جودي غر“ اودريدلي وه،. په دې مياشت كښې حضرت يونس عَلَيْهِ السَّلام ته د مهي د خيټے نه نجات حاصل شوے وو. په دې مياشت كښې د حضرت آدم عَلَيْهِ السَّلام توبه قبوله شوي وه.(عمدۃ القاری  ،کتاب الصوم، تحت الباب صیام یوم عاشوراء،۸/۲۳۳ملخصاً ) د دې نه علاوه نور هم ډير نسبتونه دي خو د دې يكم تاريخ د مسلمانانو عظيم خليفه، اَميرُ المُؤمِنِين حضرت عمر فاروقِ اعظم رَضِیَ اللّٰهُ تعالٰى  عَنْه سره هم نسبت لري چه په دې ورځ هغوئي شهيد شوے وو. په دې مناسَبَت به نن مونږه د حضرت عمر فاروقِ اعظم رَضِیَ اللّٰهُ تعالٰى  عَنْه د شان مُتَعَلِّق د بيان اوريدلو سعادت حاصلوو. الله پاك دِ مونږ ته ښو ښو نيتونو سره د ټول بيان اوريدلو سعادت را نصيب كړي. اٰمِين بِجَاهِ النَّبِىِّ الْاَمِين  صَلَّى اللهُ تَعَالٰى عَلَيْهِ وَاٰلِهٖ وَسَلَّم