حضرت عمر فاروقِ اعظم رَضِىَ اللهُ عَنْه جون خصوصيتون ۽ خدمتون ايتريون آهن جن جو شمار نٿو ڪري سگھجي، ان بابت مزيد معلومات جي لاءِ دعوتِ اسلامي جي اشاعتي اداري مڪتبةُ المدينه جي ڪتاب ”فيضانِ فاروق اعظم“ جو مُطالَعو ڪرڻ اِنتهائي مُفيد آهي۔ اَلْحَمْدُلله! اهو عظيم ڪتاب 2 جِلدن ۾ شائع ٿي چڪو آهي، اڄ ئي هن ڪتاب کي مڪتبة المدينه جي بستي تان هديو ڏئي حاصل ڪيو پاڻ به ان جو مُطالَعو ڪريو ۽ ٻين اسلامي ڀائرن کي به ان جي ترغيب ڏياريو۔

فضائلِ عمر بزبانِ مصطفيٰ صَلَّى اللّٰهُ عَلَيۡهِ واٰلِهٖ وَسَلَّمَ

      اَمِيرُالمؤمنين حَضرت عمر فاروقِ اعظم رَضِىَ اللهُ عَنْه جي عظمت ۽ شان جو هڪ پهلو اهو به آهي ته پاڻ رَضِىَ اللهُ عَنْه ان خوش نصيب صحابَهءِ ڪرام عَلَيهمُ الرِّضْوَان ۾ شامل آهن، جن جي فضيلت ۽ شان تي کوڙ فَرامينِ رسول مَوجُود آهن۔ ان جي علاوه هڪ ڳالھ اها به آهي ته اَمِيرُالمؤمنين حَضرتِ عمر فاروقِ اعظم رَضِىَ اللهُ عَنْه کي بارگاھ رسالت مان بيشمار اهڙيون فضيلتون عطا ٿيون جن ۾ ڪو به سندن جو شريڪ نه آهي۔ اچو! اسان به انهن فضيلتن مان ڪجھ ٻڌون ٿا:

     ٭ رَسُولُ الله صَلَّى اللّٰهُ عَلَيۡهِ واٰلِهٖ وَسَلَّمَ حضرت عمر رَضِىَ اللهُ عَنْه کي پاڻ علم عطا فرمايو۔ (بخاری، کتاب فضائل اصحاب النبی، باب مناقب عمر۔۔۔الخ، ۲/۵۲۵، حدیث: ۳۶۸۱ملخصا) ٭ رَسُولُ الله صَلَّى اللّٰهُ عَلَيۡهِ واٰلِهٖ وَسَلَّمَ حضرت عمر رَضِىَ اللهُ عَنْه جي دورِ خلافت جي قوت کي بيان فرمايو۔ (بخاری، کتاب فضائل اصحاب النبی، باب مناقب عمر۔۔۔الخ، ۲/۵۲۵، حدیث: ۳۶۸۲ ملخصا) ٭ رَسُولُ الله صَلَّى اللّٰهُ عَلَيۡهِ واٰلِهٖ وَسَلَّمَ حضرت عمر رَضِىَ اللهُ عَنْه جي باري ۾ فرمايو ته شيطان عمر کي ڏسي پنهنجو رستو ئي تبديل ڪري ڇڏيندو آهي۔ (بخاری، کتاب فضائل اصحاب النبی، باب مناقب عمر۔۔۔الخ، ۲/۵۲۶، حدیث: ۳۶۸۳)  ٭ رَسُولُ الله صَلَّى اللّٰهُ عَلَيۡهِ واٰلِهٖ وَسَلَّمَ حضرت عمر رَضِىَ اللهُ عَنْه جي باري ۾ فرمايو ته اهي نبي نه هئڻ جي باوجود انبياء جيان گفتگو ڪرڻ وارا آهن۔ (بخاری، کتاب فضائل اصحاب النبی، باب مناقب عمر۔۔۔الخ، ۲/۵۲۸، حدیث: ۳۶۸۹) ٭ رَسُولُ الله صَلَّى اللّٰهُ عَلَيۡهِ واٰلِهٖ وَسَلَّمَ حضرت عمر رَضِىَ اللهُ عَنْه جي قبولِ اسلام جي دعا فرمائي۔ (ترمذی، کتاب المناقب، باب فی مناقب ابی حفص۔۔۔الخ، ۵/۳۸۳، حدیث: ۳۷۰۳) ٭ رَسُولُ الله صَلَّى اللّٰهُ عَلَيۡهِ واٰلِهٖ وَسَلَّمَ حضرت عمر رَضِىَ اللهُ عَنْه جي باري ۾ فرمايو ته انهن جي قبولِ