افسوس! نن صبا ډير كم مسلمانان لمُونځ كوي او څوك ئې چه كوي په هغوئي كښې بعضې كم عقل خلق د بـے ځايه تادئ كولو په وجه خپل لمُونځونه بربادوي. داسې كس ته د لمَانځه غل وئيلے شوے دے چنانچه

د لمَانځه غل

     زمونږ د خوږ رسول صَلَّى اللهُ تَعَالٰى عَلَيْهِ وَاٰلِهٖ وَسَلَّم د عِبرت نه ډك فرمان دے: د ټولو نه بدترين غل هغه دے څوك چه په خپل لـمانځه  كښې غلا كوي. صحابه كرامو عَلَيْهِمُ الرِّضْوان عرض اوكړو: يارسولَ الله صَلَّى اللهُ تَعَالٰى عَلَيْهِ وَاٰلِهٖ وَسَلَّم! څوك په خپل لـمانځه كښې څنګه غلا كوي؟ نو خوږ آقا صَلَّى اللهُ تَعَالٰى عَلَيْهِ وَاٰلِهٖ وَسَلَّم ارشاد اوفرمائيلو:هغه د هغے ركوع او سجدے نه پوره كوي [يعني په صحيح طريقه ئې نه كوي]. يا ئې اوفرمائيل: هغه په ركوع او سجدو كښې خپله ملا نه سِيدها كوي.     (مسند احمد ، مسند ابی سعید خدری ، ۴ / ۱۱۲ ، حدیث : ۱۱۵۳۲)

           حكيمُ الاُمَّت حضرت مُفتي احمد يار خان نعيمي رَحْمَةُ اللهِ عَلَيْه چه د دې حديثِ پاك لاندې څه ليكلي دي د هغے خُلاصه دا ده: د لـمانځه غل بد ترين غل ځكه دے چه د مال غل كه سزا خوري نو څه ګټه هُم حاصلوي خو د لـمانځه غل به سزا پوره خوري او ګټه هيڅ نه حاصلوي. د مال غل د بنده حق وهي او د لـمانځه غل د الله پاك حق وهي. د مال غل چه دلته سزا اوخوري نو د آخرت د سزا نه به بچ شي خو د لـمانځه د غل د پاره دا خبره نشته. د مال غل بعضو صورتونو كښې [د مال] مالِك معاف كولے شي خو د لـمانځه د غل د معافئ هيڅ صورت نشته. (مِراٰةُ لمناجيح، ٢/٧٨.. مُلَخَّصاً)

      خوږو او مُحترمو اسلامي ورونړو! معلومه شوه چه په رُكوع او سَجدو كښې كوتاهي