آقا نبي كريم صَلَّى اللهُ تَعَالٰى عَلَيْهِ وَاٰلِهٖ وَسَلَّم دوه شهزادګئ پرله پسے د هغوئي په نكاح كښې راغلي وے. ٭ د حضرت سَيِّدُنا عثمانِ غني رَضِیَ اللّٰهُ تعالٰى  عَنْه سيرت هم بے مثاله وو او  صورت ئې هم بے مثاله وو. ٭ د حضرت سَيِّدُنا عثمانِ غني رَضِیَ اللّٰهُ تعالٰى  عَنْه شمير د الله پاك په هغه مُـقَرَّبو بندګانو كښې كيږي چه هغوئي به ټوله شپه په عبادت او بندګئ كښې تيروله. ٭ حضرت سَيِّدُنا عثمانِ غني رَضِیَ اللّٰهُ تعالٰى  عَنْه په هغه خلقو كښې شامل وو چه هر وخت به خوفِ خدا او تقوٰى و پرهيزګارئ كښې اوسيدلو. ٭ حضرت سَيِّدُنا عثمانِ غني رَضِیَ اللّٰهُ تعالٰى  عَنْه داسې تَـحَمُّل مِزاجه وو چه پخپله ئې شهادت قبول كړو خو د نبي كريم صَلَّى اللهُ تَعَالٰى عَلَيْهِ وَاٰلِهٖ وَسَلَّم ښار مبارك ئې د خپل طرفه په وينه ككړولو نه ځان اوساتلو.  ٭ حضرت سَيِّدُنا عثمانِ غني رَضِیَ اللّٰهُ تعالٰى  عَنْه ډير زيات سخي وو. ٭ حضرت سَيِّدُنا عثمانِ غني رَضِیَ اللّٰهُ تعالٰى  عَنْه ډيره عاجزي او انكساري كوونكے بزرګ وو.

دحضرت عثمانِ غني رَضِیَ اللّٰهُ تعالٰى  عَنْه اتباعِ رسول

     محترمو او خوږو اسلامي ورونړو: د نورو صفاتو سره سره حضرت سَيِّدُنا عثمانِ غني رَضِیَ اللّٰهُ تعالٰى  عَنْه د رسول كريم صَلَّى اللهُ تَعَالٰى عَلَيْهِ وَاٰلِهٖ وَسَلَّم په تابعدارئ كښې ډير بے مثاله وو. د يخنئ او ګرمئ پرواه كولو بغير به ئې د خپلو اقوالو او افعالو په ذريعه د خوږ آقا صَلَّى اللهُ تَعَالٰى عَلَيْهِ وَاٰلِهٖ وَسَلَّم په سُنَّتو ډير ډير عمل كولو. راځئ چه د حضرت سَيِّدُنا عثمانِ غني رَضِیَ اللّٰهُ تعالٰى  عَنْه د رَسُولِ كريم صَلَّى اللهُ عَلَيْهِ وَاٰلِهٖ وَسَلَّم د فَرامينو او سنتو سره د محبت درې واقعات واورو. چنانچه

    يوه ورځ عُثمانِ غني رَضِىَ اللهُ   تَعَالٰی  عَـنْهُ د جُمات په دروازه كښ كښيناستلو او د چيلئ [يعني بِيزے] د مخكښنئ ښپے غوښه ئې را اوغوښتله او اوئې خوړله او د تازه اودس كولو نه بغير ئې لـمونځ ادا كړو بيا ئې اوفرمائيل چه رَسُولُ الـلّٰـه صَلَّى اللهُ  تَعَالٰى عَلَيْهِ وَاٰلِهٖ وَسَلَّم هُم په هُم دې ځائے ناست شوے وو او هُم دا ئې خوړلي وه او هُم داسې ئې كړي وو.  (مُسندِ اِمام اَحمد ج١، ص١٣٧، حديث٤٤١)