Book Name:Hazrat Usman-e-Ghani Ki Shan
2. كله چه اَميرُ المُؤمِنِين حضرت سَيِّدُنا عثمانِ غني رَضِیَ اللّٰہُ تعالٰى عَنْه شهيد كړے شو نو د هغوئي بي بي رَضِیَ اللهُ عَنْهَا قاتلانو ته اوفرمائيل:”تاسو هغه كس شهيد كړو چا به چه ټوله شپه عبادت كولو او په يو ركعت كښې به ئې قرآن ختمولو.“
( الزھد للامام احمد،زھد عثمان بن عفان ،ص ۱۵۳،حدیث: ۶۷۳)
3. حضرت سَيِّدُنا عبدالرحمٰن تيمي رَحْمَةُ اللهِ تعالٰى عَلَيْه فرمائي: ”يو ځل زما په مقام ابراهيم كښې شپه راغله، ما د ماسخُتن لـمونځ ادا كړو او مقامِ ابراهيم ته را اورسيدم، تر دې چه زه په هغے كښې اودريدم نو په دے دوران كښې يو كس زما د اوګو په مينځ كښې لاس كيښودلو. ما چه اوكتل نو اَميرُ المُؤمِنِين حضرت سَيِّدُنا عثمانِ غني رَضِیَ اللّٰہُ تعالٰى عَنْه وو. لږ ساعت پس هغوئي سُوْرَةُ الْفَاتِحَه نه د قرآن كريم تلاوت شروع كړو تر دے چه پورا قرآن كريم ئے ختم كړلو. (الزھد لابن المبارک،باب فضل ذکرالله،ص۴۵۲،حدیث:۱۲۷۶ ملخصاً)
(وسائل بخشش مرمم،ص۵۸۴)
صَـلُّـوْا عَلَـی الْحَبِیْب! صَلَّی اللّٰـہُ عَلٰـی مُـحَـمَّـد
خوږو او محترمو اسلامى ورونړو! غور اوكړئ ! د عبادت داسے معمولات د چا دي؟ اميرالمُؤمنين حضرت سَيِّدُنا عثمانِ غني رَضِیَ اللّٰهُ تعالٰى عَنْه به د دومره غټې مرتبے [او ذِمَّه دارئ] باوجود اكثر عبادت كولو، تلاوت به ئې كولو او د ډيرو ډيرو نيكو اعمالو كوشش به ئې كولو. او بل طرف ته زمونږه دا حال دے چه زمونږه ډير زيات وخت بےكاره كارونو كښې برباديږي، زمونږه شپه او ورځ په غفلت كښې تيريږي، مونږ سره نه د عبادت د پاره وخت شته او نه د تلاوتِ قرآن د پاره. نه مونږه د نيكئ د دعوت وركولو د پاره وخت اوباسو او نه