عام کرنے کے لئے دعوتِ اسلامی کا ساتھ دیجئے۔اَلْحَمْدُلِلّٰہعاشقانِ رسول کی مَدَنی تحریک دعوتِ اِسْلامی کم و بیش107شُعْبَہ جات میں نیکی کی دعوت کی دھومیں مچانے میں مصروف ہے،اِنہی میں سے ایک’’مجلسِ حج وعُمرہ‘‘بھی ہے۔”مجلسِ حج و عمرہ“حج و عُمرہ کے لئے جانے والے اِسْلامی بھائیوں اور اِسْلامی بہنوں کی باقاعدہ مدنی تَرْبِیَت  کرنے،اُنہیں بارگاہِ الٰہی اور بارگاہِ مُصْطَفٰے کےآداب اور ضروری مسائل سکھانے کے لیے قائم کی گئی ہے۔اِس مجلس میں شامل تَرْبِیَت  یافتہ مُبَلِّغِیْن اِسْلامی بھائی ہر سال حج کے مَوسمِ  بہار میں حاجی کَیْمپوں میں جاکر حاجیوں کی مدنی تَرْبِيَت کرتے ہیں جبکہ مُبَلّغات اِسْلامی بہنیں حَجّنوں کی تَرْبِیَت کرتی ہیں۔اَلْحَمْدُلِلّٰہ اِس مجلس کےتَحت حج وزیارتِ مدینہ کےلئےمکّے مدینےجانے والوں کو امیرِاہلسنّت دَامَتْ بَـرَکاتُہُمُ الْعَالِیَہ کی تحریرکردہ کتابیں”رَفِیقُ الْحَرَمَین “اور” رَفِیْقُ الْمُعْتَمِرِیْن“بھی تحفۃً پیش کی جاتی ہیں تاکہاللہ پاک  کے گھرکےمہْمان اورحبیبِ خدا صَلَّی اللّٰہُ عَلَیْہِ واٰلِہٖ وَسَلَّمَ کے دیوانے اِس عِبادت کو اَچھے طریقے سے بَجالانے میں کامیاب ہوجائیں۔اللہ پاک ”مجلسِ حج و عمرہ“ کو مزید برکتیں عطا فرمائے۔ اٰمِیْن  بِجَاہِ النَّبِیِ الْاَمِیْن صَلَّی اللّٰہُ عَلَیْہِ واٰلِہٖ وَسَلَّمَ

صَلُّوْا عَلَی الْحَبِیْب!                                           صَلَّی اللّٰہُ عَلٰی مُحَمَّد

سفرکرنے کی سُنّتیں اور آداب

پیارے پیارے اسلامی بھائیو!آئیے!اَمیرِاَہلسُنّت دَامَتْ بَـرَکاتُہُمُ الْعَالِیَہ کے رِسالے” ابُوجہل کی موت“صَفْحہ نمبر21 سے سَفرکرنےکی سُنّتیں اور آداب سننےکی سعادت حاصل کرتےہیں ۔٭جب سفر کرنا ہو تو بہتر یہ ہے کہ پیر،جمعرات یا ہفتے کو کرے۔(فتاویٰ رضویہ،۲۳/ ۴۰۰ملخصاً)٭ سرکارِ مدینہ صَلَّی اللّٰہُ عَلَیْہِ واٰلِہٖ وَسَلَّمَ نے سَیِّدُنا جُبَیر بِن مُطْعِم رَضِیَ اللّٰہُ عَنْہُ کو سفر میں اپنے سب دوستوں سے زیادہ خوشحال رہنے کیلئےروانگی سے پہلے یہ وِرد پڑھنے کی تلقین فرمائی:(1)سورۂ کٰفِرُون (2)سورۂ نَصْر