خوږو او مُحترمو اسلامي ورونړو! د نن هفته وارې د سُنّتو ډكې اجتماع  د بیان موضوع ده ”د حج د مياشتې وړومبئ لس عظيمې ورځې“ په دې بيان كښې به اِنْ شَــآءالـلّٰـه تعالٰى د ذُوالْحِجَّةُ الْحَرَام د مياشتې فضائل، د قُربانئ فضائل او مسائل، د غوښې طِبِّى فائدے او د زياتې خوړلو نُقصانات هُم بيانيږي، د ذُو الْحِجَّةِ الْحرام وړومبو لسو ورځو كښې د عبادت كولو باره كښې به هُم اورو،ضِمناً به د ذِكْرُ الله فضائل او د نفلي روژو فضائل هُم اورو او په آخره كښې به د شيخِ عرب و عَجَم خليفۀ اعلٰى حضرت سیِّدي قُطبِ مدینه حضرت علّامه مَولانا  ضیاءالدّین احمد مَدَنی قادری رَحْمَةُ اللهِ  تَعَالٰی عَلَيْه د سِيرت يو څو جهليكيانې هُم بيانيږي. كاش! چه مونږ ته ښو ښو نِيَّتونو سره د پوره بيان اوريدو سعادت رانصيب شي. آمِين 

صَـــلُّـــوْا  عَـــلَـی   الْــحَـــبِــيْــب!                    صَـلَّـی اللهُ   تَعالٰـی عَلـٰی   مُـحَـمَّد

څه څيز په روژه نيولو آمادہ كړې؟

 اُمُّ المُؤمِنِين حضرتِ سَيِّدَتُنا عائشه صِدِّيقه رَضِیَ اللهُ عَنْهَا نه روایت دے چه يو ځلمے چه هغه به حديثونه اوريدل، چه كله د ذِی الْحِجَّه مياشت ښكاره شوه نو هغه روژه اونيوله، چه خوږ مَدَني آقا صَلَّى اللهُ عَلَيْهِ وَاٰلِهٖ وَسَلَّم ته د دې خبر اوشو نو خوږ مهربان آقا صَلَّى اللهُ عَلَيْهِ وَاٰلِهٖ وَسَلَّم هغه را اوغوښتلو او تپوس ئې ترينه اوكړو: ته څه څيز په روژه نيولو آماده كړې؟ هغه عرض اوكړو: يا رَسُولَ الله (صَلَّی اللهُ عَلَیْكَ وَسَلَّم)! زما مور او پلار دِ په تاسو قُربان شي، دا د حج او قُربانئ ورځې دي، شايد چه الله پاك ما هُم د هغوئي په دُعاګانو كښې شامِل كړي. حُضُورِ انور صَلَّى اللهُ عَلَيْهِ وَاٰلِهٖ وَسَلَّم اُوفرمائيل: ستا د هرې ورځې د روژے ثواب د سلو (100) غلامانو آزادولو برابر، د سلو (100) اوښانو د قربانولو او د الله تعالٰى په لار كښې د وركړو سلو (100) اسونو د ثواب برابر دے. چه كله د اتم ذِی الْحِجَّه ورځ وي نو تا ته به د هغه ورځې د