مُختلِف تَبَرُّکَات رکھےگئے،پھرکفن شریف باندھاگیا۔٭ سَیِّدی قطبِ مدینہ کا جنازۂ مبارَکہ بعدنمازِعصر دُرُود و سلام اورقصیدۂ بُردہ شریف کی گُونج میں اُٹھایا گیا،٭سَیِّدی قطبِ مدینہ کو ان کی آرزو کےمُطَابِق جنّت البقیع  میں اَہلِ بَیْتِ اَطہارعَلَیْہِمُ الرِّضْوَان کے قرب میں دفن کیا گیا۔(سیّدی قطبِ مدینہ،ص۱۷)،٭سَیِّدی قطبِ مدینہ کی سیرت سے متعلق مزید معلومات کے لئے امیرِاہلسنت کا رسالہ”سیدی قطبِ مدینہ“کا مطالعہ فرمائیے۔  اس رسالے کودعوتِ اسلامی کی ویب سائٹ www.dawateislami.netسے پڑھا جاسکتا ہے،ڈاؤن لوڈ(Download) اور پرنٹ آؤٹ (Print Out)بھی کیاجاسکتاہے ۔

امیرِ اہلسنّت دَامَتْ بَرَکَاتُہُمُ الْعَالِیَہ اپنے پیرو مرشد کی بارگاہِ بے کس پناہ میں یوں عرض کرتے ہیں:

مجھ  کو  دیدو  بقیعِ    غَرقَد   میں                اپنے  قدموں  میں جا ضِیاءُ  الدّین

مُصطَفٰے   کا   پڑوس  جنّت میں                مجھ  کو  حق  سے  دِلا  ضِیاءُ   الدّین

(وسائلِ بخشش مُرَمَّم،ص۵۶۳)

صَلُّوْا عَلَی الْحَبِیْب!                                             صَلَّی اللّٰہُ عَلٰی مُحَمّد

      پیارے پیارے اسلامی بھائیو! بیان کواختتام کی  طرف لاتےہوئےسنت کی فضیلت    اور  چند سنتیں اورآداب بیان کرنے کی سعادت  حاصل کرتا ہوں، تاجدارِرِسالت،شہنشاہِ نُبُوَّتصَلَّی اللّٰہُ عَلَیْہِ واٰلِہٖ وَسَلَّمَ کافرمان جنت نشان ہےجس نےمیری سنت سےمحبت کی اس نےمجھ سےمحبت کی اورجس نے مجھ سے کی وہ جنت میں میرےساتھ ہوگا۔(مشکاۃالمصابیح،   کتاب الایمان  باب الاعتصام  بالکتاب والسنۃ ، ۱/ ۵۵حدیث: ۱۷۵)