Book Name:Naikiyon Ki Hirs Kaisy Paida Ki Jay
پیارے پیارےاسلامی بھائیو!یادرکھئے!دُنیاکی مَحَبَّت شیطان کاایساجال ہے جس میں پھنس کرانسان نیک کاموں سےدُور ہوتا چلا جاتاہے، پہلےمُسْتَحَبَّات سےدُورہوتاہے،پھرسُنَّتوں سے غافل ہوتا ہے،اس کے بعدفرائض و واجبات چھوڑنےکی عادت بنتی ہے اور گناہوں کے لالچ میں مُبْتَلا ہوکراس عارضی دنیا کی مَحَبَّت میں کھو کر طرح طرح کے خواب دیکھنے لگتا ہے،دُنیا وی کاموں میں بہت مشغول رہنے والوں کی جب ظاہری آنکھ بند ہوتی ہےیعنی موت آتی ہےتوسارےخواب اَدھورےرہ جاتےہیں کیونکہ اگر وہ دنیاکی حقیقت جان لیتے تو کبھی بھی اس سےدل نہ لگاتےلیکن اس وَقْت افسوس کےسوا کچھ ہاتھ نہیں آتا۔لہٰذا
12مَدَنی کاموں میں سے ایک مَدَنی کام”ہفتہ وارمَدَنی حلقہ“
سلامتی اسی میں ہے کہ ہم موت سے پہلےہی اس کی تیاری میں مشغول ہوکر نیکیوں کا لالچ کرنے والے بن جائیں، نیکیوں کا لالچ کرنے والا بننے، گناہوں سے بچنے اور فکرِآخرت کا جذبہ پانے کیلئے عاشقانِ رسول کی مَدَنی تحریکدعوتِ اِسلامی کے مَدَنی ماحول سے وابستہ ہوجائیے اور ذیلی حلقے کے 12 مَدَنی کاموں میں حصہ لینے والے بن جائیے۔ذیلی حلقے کے12مَدَنی کاموں میں سے ایک مَدَنی کام”ہفتہ وار مَدَنی حلقہ“بھی ہے۔جس کے ذریعے مختلف زبان بولنے والوں،شخصیات اور تاجروں کیلئے علاقائی سطح پر ہفتہ وار مَدَنی حلقے کی ترکیب بنائی جاتی ہے ، چھوٹے شہروں میں یا ایسے مقامات جہاں کسی وجہ سے ہفتہ وار اجتماع ابھی شروع نہیں ہو پایا وہاں ہفتہ وار مَدَنی حلقہ یا مسجد اجتماع کی ترکیب ہوتی ہے ۔ہفتہ وار مَدَنی حلقے کے جدول میں تلاوت،نعت شریف ،سُنّتوں بھرا بیان،دعا اور دُرود و سلام شامل ہے۔کسی بھی شہریاعلاقے میں ایک سے زائد ہفتہ وار مَدَنی حلقے الگ الگ دنوں اور مختلف مقامات پر لگائے جا سکتے ہیں۔آپ بھی دینی کاموں میں ترقی کیلئے عاشقانِ رسول کی مَدَنی تحریکدعوتِ اسلامی کا ساتھ دیجئے۔