اسان جو حال ته اهو آهي جو جسم جو هلڪڙو سور به اسان کي بستر تان اٿڻ ناهي ڏيندو، جڏهن اسان ايتريون نازڪ طبيعت آهيون ته سڪرات مهل طاري ٿيڻ وارين تڪليفن جي شدّت کي ڪيئن برداشت ڪنديون سين؟ الله پاڪ اسان کي دُنيا ۽ آخرت ۾ عافيت، عافيت ۽ عافيت نصيب فرمائي۔           آمِیْن بِجَاہِ النَّبِیِّ الْاَمِیْنْ صَلَّی اللّٰہُ عَلَیْہِ واٰلِہٖ وَسَلَّمَ

موت کي ياد ڪر يو !

ٿورو سوچيو ته سهي، اهو ڪهڙو منظر هوندو ٭ جڏهن اسان جو روح اسان جي بدن جو ساٿ ڇڏي رهيو هوندو، ٭ موت جا ملائڪ رڳ رڳ مان روح ڪڍي رهيا هوندا، ٭ اسان جو هوش ۽ حواس ختم ٿي چڪا هوندا، ٭ اسان سڀ سمجھي رهيون هونديون سين پر ڳالھائڻ جي طاقت نه هوندي، ٭ سڀ ڪجھ ڏسي رهيون هونديون پر بيان ڪرڻ جي همت نه هوندي، ٭ روح ڪڍڻ وارا ملائڪ اسان جي سامهون هوندا ٭ روح کڻي وڃڻ وارا ملائڪ اسان کي گھيري وٺندا، ٭ اهو موت جنهن کان اسين ناپسند ڪنديون هيون سين، اهو پنهنجي تمام تر حقيقتن سان اسان جي سامهون هوندو، ٭ اهو موت جنهن کان اسان ڀڄنديون هيون سين اڄ اهو اسان کي ڀڄڻ نه ڏيندو، ٭ اهو موت جنهن کان اسان غافل ٿي ويون هيون سين اڄ اهو اسان جي غفلت جي پردي کي هٽائي ڇڏيندو، ٭ اهو موت جنهن کي اسان وساري ڇڏيو هو اڄ اهو اسان کي خوب ياد اچي رهيو هوندو۔ ٭ دنيا جو اهو ساز ۽  سامان جيڪو هڪ هڪ ڪري اسان گڏ ڪيو هوندو سڀئي اسان کان پري ٿي ويندو، ٭ مال ۽  دَولت به پري ٿي ويندي،٭  بنگلو ۽ گاڏي به جُدا ٿي رهي هوندي، ٭ بينڪ بيلنس کان به اسان نااُميد ٿي رهيون هونديون سين، ٭ گهر جا ڀاتي به ساٿ ڇڏي ڏيندا، ٭ اسان جو جسم ٿڌو ٿي رهيو هوندو، ٭ پهريان پير ٿڌا ٿيندا ٭ پوءِ ڀيڏيون ٿڌيون ٿينديون ٭ پوءِ ٽنگن مان روح نڪري ويندو، ٭ پوءِ آهسته آهسته سڄو بدن بي جان ٿي ويندو۔ ٭ جسم جي گرمي آهسته آهسته ٿڌاڻ ۾ بدلجي ويندي، ٭ کڙي کان کڙي ملائي ويندي، ٭ زبان تارونءَ کان لڳي رهي هوندي، ٭ اکين جا تارا مٿي ڏانهن وڃي رهيا هوندا، ٭ مٿو هڪ پاسي لڙڪڻ لڳندو، ٭ چپ سڪي رهيا هوندا، ٭ زَبان سُڪڙجي رهي هوندي، ٭ آڱريون نيريون ٿي رهيون هونديون، ٭ جسم جو ڳاڙهو ۽ سفيد رنگ مٽيالي رنگ ۾ بدلجي رهيو هوندو، مطلب ته عجيب بيوسي جو عالم هوندو۔ غور ڪريو! ان