کاوِشوں کے نتیجے میں آج پاکستان کے کئی شہروں میں عاشقانِ رسول کی مَدَنی تحریک دعوتِ اسلامی کے ہفتہ وار سُنّتوں بھرے اجتماعات میں خصوصی اسلامی بھائیوں کے حلقے لگتے ہیں۔بڑی راتوں کے اجتماعات مثلاًاجتماعِ میلاد،اجتماعِ غوثیہ،اجتماعِ معراج،اجتماعِ شبِ براءَت اوراجتماعِ شبِ قدر وغیرہ اور رَمَضانُ الْمبارَک کے اجتماعی اعتکاف میں بھی خصوصی اسلامی بھائیوں کے حلقے لگائے جاتے ہیں۔ جن میں باقاعدہ اشاروں کی زبان میں نعت،بیان، ذکر اوردعا کی ترکیب بھی ہوتی ہے۔ خصوصی اسلامی بھائیوں میں مَدَنی کام کرنے اوراشاروں کی زبان میں نیکی کی دعوت کی دُھومیں مچانے کیلئے وقتاً فوقتاً مُبَلِّغِین کوقفلِ مدینہ کورس کروایاجاتا ہے اور گونگے بہرے اور نابینا اسلامی بھائیوں کے مَدَنی قافلے بھی سفر کرتے ہیں۔

اَلْحَمْدُلِلّٰہ!پاکستان کے کئی شہروں میں خصوصی(یعنی نابینا،گونگی بہری)اسلامی بہنوں تک بھی نیکی کی دعوت پہنچانے کا سلسلہ جاری و ساری ہے، ان خصوصی اسلامی بہنوں میں مدنی کام کرنے کے لیے باقاعدہ ذمہ داراسلامی بہنوں کےمدنی کورسز کا سلسلہ بھی ہوتا رہتاہے۔خصوصی اسلامی بہنوں کو نیکی کی دعوت اسلامی بہنیں ہی دیتی ہیں۔

اللہ کرم ایسا کرے تجھ پہ جہاں میں                                  اے دعوتِ اسلامی تِری دھوم مچی ہو

(وسائلِ بخشش مُرمَّمْ،ص۳۱۵)

صَلُّو ْا عَلَی الْحَبِیْب!                                  صَلَّی اللہُ عَلٰی مُحَمَّد

پیارے پیارے اسلامی بھائیو!رَمَضَانُ المُبَارَک کا پاکیزہ مہینا ہمارے درمیان اپنی برکتیں و رحمتیں لُٹا رہا ہے،اس مبارک مہینے میں اللہ کریم کے ایک مقرب ولی کا یومِ ولادت بھی منایا جاتا ہے ،جنہیں دُنیا شیخِ طریقت، امیر اہلسنت،بانیِ دعوتِ اسلامی حضرت علامہ مولانا ابو بلال محمد الیاس