Tilawat-e-Quran Aur Musalman

Al Quran Books Madani Channel

Magazine Courses Media

نَظارے بھی دِکھائی دیتے ہیں،جیسا کہ آپ نے سُنا کہ ایک صحابی رَضِیَ اللّٰہُ عَنْہُ تلاوت کرتے رہے اور ان کا گھوڑا فرشتوں کا نَظارہ کرتا رہا اور اُن صحابی رَضِیَ اللّٰہُ عَنْہُ نےبھی ایک روشن چراغ کی صورت میں فرشتوں کو ملاحظہ فرمایا۔یادرکھئے!قرآنِ کریم اللہ پاک کابہت ہی مبارَک کلام ہے،اس کا پڑھنا،پڑھانا،سُننا، سُنانا سب ثواب کے کام ہیں،نہ صرف اس کی تلاوت کرنا ثواب کا کام ہے بلکہ اس کی زیارت کرنا بھی عبادت ہے، جیسا کہ

حدیثِ پاک میں ہے:اَلنَّظْرُ فِی الْمُصْحَفِ عِبَادَۃٌ یعنی قرآنِ کریم کو دیکھنا عبادت ہے۔(شعب الایمان،باب فی بر الوالدین،۶/۱۸۷،حدیث:۷۸۶۰)یہی وجہ ہے کہ نبیِّ کریم صَلَّی اللّٰہُ عَلَیْہِ واٰلہٖ وَسَلَّمَ نے وقتاً فوقتاً صحابَۂ کرام عَلَیْہِمُ الرِّضْوَان کو قرآنِ پاک کی تلاوت کرنے کی ترغیب اِ رشاد فرمائی اور بہت سی احادیثِ کریمہ میں اس کےفضائل بھی بیان فرمائے۔آئیے!اس ضمن میں تین (3)احادیثِ کریمہ سُنئے،چنانچہ

جنّتی لباس پہنایا جائے گا

(1)ارشادفرمایا:قِیامت کے دن قرآنِ کریم پڑھنے والا آئے گا تو قرآن عرض کرے گا:اے ربّ کریم!اِسے جنّت کا لباس پہنا۔تواُسے بُزرگی کا جنَّتی لباس پہنایا جائے گا۔پھر قرآن عرض کرے گا:اےربِّ کریم!اِس میں اضافہ فرما،تو اِسے بزرگی کاتاج(Crown)پہنایا جائے گا،پھر قرآن عرض کرے گا:اے ربِّ کریم!اس سے راضی ہو جا۔تو اللہ پاک اس سے راضی ہوجائے گا۔پھر اس قرآنِ کریم پڑھنےوالے سے کہاجائے گا:قرآنِ کریم پڑھتا جا اور جنّت کے دَرَجات طے کرتاجا اور ہرآیت پر اسےایک نعمت عطاکی جائےگی۔(ترمذی،کتاب فضائل القرآن،باب ما جآء فی من قرأ…الخ،۴/ ۴۱۹

Important

Mobile Apps

Contact Us