Tilawat-e-Quran Aur Musalman

۱۷۰)

بزرگانِ دین رَحْمَۃُ اللّٰہ ِ عَلَیْہِمْ اَجْمَعِیْن سے منقول ہے:بعض اوقات بندہ ایک سورت شروع کرتا ہے تو اسے پوری پڑھ لینے تک فرشتے اس کے لئے رحمت کی دعا کرتے ہیں،کبھی بندہ ایک سورت شروع کرتا ہے تو اسے پوری پڑھ لینے تک فرشتے اس پر لعنت بھیجتے ہیں۔عرض کی گئی:یہ کیسے؟فرمایا: جب وہ اس کے حلال کو حلال اور حرام کو حرام جانتا ہے توفرشتے اس کے لئے رحمت کی دعا کرتے ہیں ورنہ لعنت بھیجتے ہیں۔(احیاء العلوم،کتاب آداب تلاوۃ القرآن،۱/۳۶۵)

قرآن پر عمل نہ کرنے والے

رسولِ کریم صَلَّی اللّٰہُ عَلَیْہِ واٰلہٖ وَسَلَّمَ نے ارشاد فرمایا:قیامت کے دن قرآن کو ایک شخص کی صورت عطا کی جائے گی،پھر اسے ایک ایسے شخص کے پاس لایا جائے گا جو قرآن کا عالِم ہونے کے باوجود اس کے حکم کی مخالفت کرتا رہا،قرآن اس کی مخالفت کرتے ہوئے کہے گا:اے میرے ربِّ کریم!اس نے میرا عِلْم حاصل کیا لیکن یہ بہت بُرا عالِم ہے،اس نے میری حُدود کی خلاف ورزی کی،میرے فرائض کو ضائع کیا،میری نافرمانی میں لگارہا اور میری فرمانبرداری کو چھوڑ دیا۔ قرآن اس پر دلائل کے ساتھ الزامات لگاتا رہے گا یہاں تک کہ کہا جائے گا:اس کے بارے میں تیرا معاملہ تیرےحوالے ہے۔ قرآنِ کریم اس کا ہاتھ پکڑ کر لے جائے گا یہاں تک کہ اسے دوزخ میں ایک چٹان پر منہ کےبَل گرا دے گا۔(مصنف ابن ابی شیبہ، کتاب فضائل القرآن،من قال:یشفع القرآن…الخ، ۷/۱۶۹،حدیث:۱ملتقطاً)

Important

Mobile Apps

Contact Us