Tilawat-e-Quran Aur Musalman

۱/۹۲)

صحابَۂ کرام عَلَیْہِمُ الرِّضْوَان کا اندازِ تلاوت

حکیمُ الاُمّت حضرت مفتی احمد یار خان نعیمیرَحْمَۃُ اللہِ عَلَیْہ فرماتے ہیں:(امیرُالمؤمنین)حضرت سَیِّدُنا عُثمانِ غنی رَضِیَ اللہُ عَنْہُ ایک رات میں ختمِ قرآن فرماتے۔حضرت سَیِّدُنا داؤد عَلَیْہِ السَّلَام چند منٹ میں زبورختم کرلیتےتھے۔(مرآۃالمناجیح ،۳/۲۷۰)حضرت سَیِّدُناعلیُّ المرتضیٰرَضِیَ اللّٰہُ عَنْہُ گھوڑےپر سُوا رہوتے وَقْت ایک پاؤں رِکاب میں رکھتے اور قرآنِ مجید شروع کرتے اور دوسرا پاؤں رِکاب میں رکھ کر گھوڑے کی زِین پر بیٹھنے تک ایک قرآنِ کریم ختم کرلیاکرتےتھے۔(شواہد النبوۃ،رکن سادس دربیان شواھد ودلایلی...الخ، ص۲۱۲)

واہ کیا بات ہے عاشِقِ قرآن کی

حضرت سَیِّدُنا ثابِت بُنانیرَحْمَۃُ اللّٰہ ِعَلَیْہ روزانہ ایک بار ختمِ قرآنِ پاک فرماتے تھے۔آپ رَحْمَۃُ اللّٰہ عَلَیْہ ہمیشہ دن کو روزہ رکھتے اورساری رات عبادت فرماتے،جس مسجِد سے گزر تے اس میں 2 رکعت (تَحِیَّۃُ الْمَسْجِد)ضَرورپڑھتے۔نعمت کے اظہار کے طور پر فرماتے ہیں:میں نے جامِع مسجِد کے ہر سُتُون (Pillar)کے پاس قرآنِ پاک کا ختم کیا اور بارگاہ ِ الٰہی میں گِریہ و زاری کی ہے۔نَماز اور تِلاوتِ قرآن سے آپ رَحْمَۃُ اللّٰہ عَلَیْہکو خُصوصی مَحَبَّت تھی،آپ رَحْمَۃُ اللّٰہ عَلَیْہ پر ایسا کرم ہوا کہ رشک آتا ہے،چنانچہ

منقول ہے:جب بھی لوگ آپ رَحْمَۃُ اللّٰہ عَلَیْہ کے مزارِ مبارَک کے قریب سے گزرتے تو قبرِ انور سے تِلاوتِ قرآن کی آواز آرہی ہوتی۔(حلیۃ الاولیاء،۲ /۳۶۴- ۳۶۶ ملخصاً)

Important

Mobile Apps

Contact Us