اَلْحَمْدُ لِلّٰہمَدَنی انعامات پر عمل کرنے میں آسانی اور اس کی کارکردگی وغیرہ  پر نظر رکھنے کے لئے کے لئے عاشقانِ رسول کی مَدَنی تحریک دعوتِ اسلامی کے خدمتِ دین کے کم  وبیش107شعبہ جات میں سے ایک  اہم ترین شعبہ”مجلس مَدَنی انعامات”بھی ہے،اس مجلس کا بنیادی مقصد اسلامی بھائیوں،اسلامی بہنوں،جامعاتُ المدینہ و مدارس المدینہ کے طلبہ و طالبات کو باعمل بنانا اور انہیں مَدَنی انعامات پر عمل کی ترغیب دلانا ہے۔آئیے! ترغیب کے لئے ایک مَدَنی بہارسُنیے،چنانچہ

روزانہ فکرِ مد ینہ کرنے کا اِنعام

ایک اسلامی بھائی ایک بار مَدَنی قافِلے میں سفر پر تھے۔اِسی دَوران اُن پر بابِِ کرم کُھل گیا۔ہُوا کچھ یُوں کہ رات کو جب سوئے تو قسمت اَنگڑائی لے کر جاگ اُٹھی،کیا دیکھتے  ہیں کہ رسولِ اکرم صَلَّی اللّٰہُ عَلَیْہِ واٰلِہٖ وَسَلَّمَ خواب میں تشریف لے آئے۔ابھی جلووں میں ہی گُم تھے کہ لَب ہائے مُبارَکہ کو جُنبِش ہوئی،رَحمت کے پُھول جَھڑنے لگے اور اَلْفاظ کچھ یُوں تَرْتِیْب پائے:”جو مَدَنی قافِلے میں روزانہ فکرِ مدینہ کرتے ہیں میں اُنہیں اپنے ساتھ جَنَّت میں لے جاؤں گا ۔”

صَلُّوْا عَلَی الْحَبِیْب!                                             صَلَّی اللّٰہُ عَلٰی مُحَمَّد

سیدہ عائشہ  صِدِّیْقَہ رَضِیَ اللّٰہُ عَنْہا  کا اندازِ سخاوت و ایثار

       پیارے پیارےاسلامی بھائیو!اُمّ الْمؤمنین سَیِّدَہ عائشہ صِدِّیْقَہ رَضِیَ اللّٰہُ عَنْہا  سخاوت و ایثار کے مَدَنی جذبے سے بھی مالامال تھیں،آپ رَضِیَ اللہُ عَنْہا کی سخاوت  و اِیثار کا یہ عالَم تھا کہ آپ رَضِیَ اللہُ عَنْہا اپنی ضروریات کی چیزیں بھی راہِ خدا میں خَیرات کردیا کرتیں اور اپنے لئے کچھ بھی بچا کر نہ رکھتی تھیں۔آئیے!اُمّ الْمؤمنین سَیِّدَہ عائشہ صِدِّیْقَہ رَضِیَ اللّٰہُ عَنْہا کی سخاوت و اِیثار پر مُشْتَمِلایک اِیمان افروز واقعہ سُنئے اور راہِ خدا میں خَرْچ کرنے کا جذبہ اپنے اندر بیدار کیجئے،چنانچہ