کردی اور اپنی تمام عمر حُضُور صَلَّی اللہُ عَلَیْہِ وَاٰلِہٖ وَسَلَّم کی خِدمَت کرتے ہوئے گزاری۔ حضرت بی بی خدیجہ رَضِیَ اللہُ عَنْہا کی حَیَات میں رسولُ اللہ صَلَّی اللہُ عَلَیْہِ وَاٰلِہٖ وَسَلَّم نے کسی اور سے نِکاح نہ فرمایا۔

حضرت بی بی خدیجہ رَضِیَ اللہُ عَنْہا تقریباً 25سال حُضور پرنور صَلَّی اللہُ عَلَیْہِ وَاٰلِہٖ وَسَلَّم کی شریکِ حیات رہیں اوراعلانِ نبوت  کے دسویں سال ماہ ِ رمضانُ المبارک میں وصال فرمایااور(جَنَّتُ الْمَعْلٰی) میں مدفون ہوئیں۔(ماخوذ از فیضانِ خدیجۃ الکبریٰ)اللہ پاک کی اُن پر رحمت ہو اور اُن کے صدقے ہماری بے حساب مغفرت ہو۔ اٰمِین بِجَاہِ النَّبِیِّ الْاَمِیْن صَلَّی اللہُ عَلَیْہِ وَاٰلِہٖ وَسَلَّم  

صَلُّو ْا عَلَی الْحَبِیْب!                                                                                               صَلَّی اللہُ عَلٰی مُحَمَّد

مجلس لنگرِ رضویہ کا تعارف

اے عاشقانِ اولیا!اَلْحَمْدُ لِلّٰہ دعوتِ اسلامی کا مدنی ماحول ہمیں اللہ  پاک کے نیک بندوں کا ادب سکھاتا ہے، آپ بھی اسی مدنی  ماحول سے ہردم وابستہ رہیں، عاشقانِ رسول کی مدنی تحریک دعوتِ اسلامی نیکی کی دعوت کو عام کرنے کے لیے 107 سے زائد شعبہ جات میں مدنی کام کر رہی ہے۔ ان میں سے ایک مجلس لنگرِ رضویہ بھی ہے،مختلف مواقع پرہزاروں عاشقانِ رسول کی خیرخواہی کی جاتی ہے یعنی ان کو کھانا کھلایا جاتاہےمثلاًدَارُالسُنَّہ میں آنے والے مہمانوں،مختلف سُنّتوں بھرے اجتماعات،مدنی مشوروں،مختلف مدنی کورسزمیں شرکت کرنے والے عاشقانِ رسول،دعوتِ اسلامی کے مدنی ماحول میں ملک و بیرونِ ملک ہر سال ہزاروں عاشقانِ رسول پورے ماہِ رمضان اورآخری عشرے کے اِعتکاف کی سعادت حاصل کرتے ہیں،ان عاشقانِ رسول کے لیے”لنگرِ رضویہ“(سحری و افطاری) کابہت بڑا اِنتظام کیاجاتا ہے تا کہ یہ عاشقانِ رسول دِلجمعی کے ساتھ علمِ دِین کے مدنی حلقوں اورمدنی مذاکروں میں بھرپورتوجہ کے ساتھ شرکت کر سکیں۔دعوتِ اسلامی کے عالمی مدنی مرکز فیضانِ مدینہ