سَعادَتوں کا ذریعہ ہے ۔قُرآنِ پاک میں کئی مقامات پر نہ صرف نماز کا حکم دِیا گیا ہے بلکہ  ثواب بیان کرکے  اس کی ترغیب  بھی دِلائی گئی ہے۔ آئیے!اس بارےمیں تین(3)فرامینِ الٰہی سُنئے،چنانچہ

 پارہ6سُوْرَۃُ النِّساءکی آیت نمبر 162 میں ارشاد ہوتاہے:

وَ الْمُقِیْمِیْنَ الصَّلٰوةَ وَ الْمُؤْتُوْنَ الزَّكٰوةَ وَ الْمُؤْمِنُوْنَ بِاللّٰهِ وَ الْیَوْمِ الْاٰخِرِؕ-اُولٰٓىٕكَ سَنُؤْتِیْهِمْ اَجْرًا عَظِیْمًا۠(۱۶۲) (پ۶،النساء:۱۶۲)                                                                         

تَرْجَمَۂ کنزُالعِرفان:اور نماز قائم رکھنے والے اور زکوٰۃ دینے والے اوراللہ اور قیامت پر ایمان لانے والے ایسوں کو عنقریب ہم بڑا ثواب دیں گے۔

پارہ9سُوْرَۃُ الْاَنْفال کی آیت نمبر3اور 4میں ارشاد ہوتاہے :

الَّذِیْنَ یُقِیْمُوْنَ الصَّلٰوةَ وَ مِمَّا رَزَقْنٰهُمْ یُنْفِقُوْنَؕ(۳) اُولٰٓىٕكَ هُمُ الْمُؤْمِنُوْنَ حَقًّاؕ-لَهُمْ دَرَجٰتٌ عِنْدَ رَبِّهِمْ وَ مَغْفِرَةٌ وَّ رِزْقٌ كَرِیْمٌۚ(۴) (پ۹ ،الانفال: ۳،۴)                                                                                

تَرْجَمَۂ کنزُالعِرفان:وہ جو نماز قائم رکھتے ہیں اور ہمارے دئیے ہوئے رِزْق میں سے ہماری راہ میں خرچ کرتے ہیں یہی سچے مسلمان ہیں ،ان کے لیے ان کے ربّ کے پاس درجات اور مغفرت اور عزت والا رِزْق ہے۔

پارہ 6سُورَۃُ الْمَائِدہ کی آیت نمبر 12 میں اِرْشاد ہوتاہے :

وَ قَالَ اللّٰهُ اِنِّیْ مَعَكُمْؕ-لَىٕنْ اَقَمْتُمُ الصَّلٰوةَ وَ اٰتَیْتُمُ الزَّكٰوةَ وَ اٰمَنْتُمْ بِرُسُلِیْ وَ عَزَّرْتُمُوْهُمْ وَ اَقْرَضْتُمُ اللّٰهَ قَرْضًا حَسَنًا لَّاُكَفِّرَنَّ عَنْكُمْ سَیِّاٰتِكُمْ وَ لَاُدْخِلَنَّكُمْ جَنّٰتٍ تَجْرِیْ مِنْ تَحْتِهَا الْاَنْهٰرُۚ    (پ۶ ، المائدہ: ۱۲)

تَرْجَمَۂ کنزُالعِرفان:اور اللہنے فرمایا: بیشک میں تمہارے ساتھ ہوں۔ اگر تم نماز قائم رکھو اور زکوٰۃ دیتے رہو اور میرے رسولوں پر ایمان لاؤ اور ان کی تعظیم کرو اور اللہ کو قرضِ حسن دو توبیشک میں تم سے تمہارے گناہ مٹا دوں گا اور ضرور تمہیں ان باغوں میں داخل کروں گا جن کے نیچے نہریں جاری ہیں۔