اِبراہیم کی آیت نمبر40 میں یوں  ہے:

رَبِّ اجْعَلْنِیْ مُقِیْمَ الصَّلٰوةِ وَ مِنْ ذُرِّیَّتِیْ ﳓ رَبَّنَا وَ تَقَبَّلْ دُعَآءِ(۴۰)                   

 ترجَمۂ کنزُالعِرفان:اے میرے ربّ! مجھے اور کچھ میری اولاد کونماز قائم کرنے والا رکھ، اے ہمارے ربّ اور میری دعا قبول فرما۔

یاد رکھئے! قیامت کے دن بھی سب سے پہلے نماز کے بارے میں ہی سوال کیا جائے گا، جیساکہ حدیثِ پاک  میں ہے: اَوَّلُ مَایُحَاسَبُ بِہِ الْعَبْدُ یَوْمَ الْقِیَامَۃِ صَلَاتُہٗ  یعنی کل قیامت کے دن بندے سے سب سے پہلے اس کی نماز کے بارے میں سوال ہوگا۔علامہ عبد الرؤف مناویرَحْمَۃُ اللّٰہ ِعَلَیْہ اس حد یثِ پاک کے تحت فرماتے ہیں:بے شک نماز ایمان کی نشانی اور  عبادت کی اصل ہے۔(التیسیر ۱/۳۹۱)نبیِ کریم  صَلَّی اللّٰہُ عَلَیْہِ واٰلِہٖ وَسَلَّمَ کی بارگاہ میں ایک شخص نے  حاضر ہوکر تین(3) بار سب سے افضل عمل کے بارے میں سوال کیا تو رَسُوْلُ اللّٰہ صَلَّی اللّٰہُ عَلَیْہِ واٰلِہٖ وَسَلَّمَ نے تینوں بار یہی جواب دیا :نماز  سب سے افضل عمل ہے ۔ (مسند امام احمد، مسند عبداللّٰہ بن عمرو بن العاص ،۲/۵۸۰، حدیث:۶۶۱۳،ملخصاً)

اےعاشقانِ رسولِ اسلامی بہنو! ہمیں بھی  نَماز کی اَہَمیَّت کو سمجھتے ہوئے پانچوں نَمازیں پابندی کے ساتھ  اَدا کرنی چاہئیں ۔

صَلُّوْا عَلَی الْحَبِیْب!                                             صَلَّی اللّٰہُ عَلٰی مُحَمَّد

نماز کےبارے میں 3 فرامینِ الٰہی

اےعاشقانِ رسولِ اسلامی بہنو!نماز کی اَہَمِّیَّت جاننےکے بعدبھی اگرکوئی نمازنہ پڑھےتو وہ اپنے ہاتھوں دوزخ میں جانے کا سامان کرنے والی ہے حالانکہ نماز پڑھنا دُنیا و آخرت کی