سچي توبهه شب براءت-1440ھ

Al Quran Books Madani Channel

Magazine Courses Media

توبهه ڪرڻ واري سان گڏوگڏ ٻين جي فائدي جو به سبب بڻجي ويندي آهي۔ اچو! هن بابت سچي توبهه جو هڪ ٻيو واقعو ٻڌون ٿا:

ايصالِ ثواب عذابِ قبر کان بچائي ورتو

هڪ عورت جو پٽ هو جيڪو گھڻو گناهگار هو۔ ماءُ پنهنجي هن پٽ کي نيڪي جو حڪم ڏيندي هئي، بي حيائي ۽ بُرن ڪمن کان منع ڪندي هئي (پر اهو نه مڙندو هو) آخرڪار تقدير ان تي غالب آئي ۽ اهو گناهن جي حالت ۾ مري ويو۔ ان جي ماءُ کي گھڻو صدمو ٿيو ته ان جو پٽ بغير توبهه جي مري ويو۔ ان تمنا ڪئي ته ان کي خواب ۾ ڏسي۔ هڪ ڀيري ان خواب ۾ پنهنجي پٽ کي عذاب ۾ مبتلا ڏٺائين ته اها وڌيڪ غمگين ٿي وئي۔ جڏهن ڪجھ مدت کان پوءِ ان ٻيهر پنهنجي پٽ کي خواب ۾ ڏٺائين ته ان جي حالت تمام سٺي هئي ۽ اهو خوش هو۔ ان پنهنجي پٽ کان ان حالت بابت پڇيو ته اي منهنجا پٽ! مون توکي عذاب ۾ مبتلا ڏٺو هو، هاڻي اهو مرتبو ۽ مقام ڪيئن مليو؟ ته ان جواب ڏنو: اي منهنجي ماءُ! هڪ گنهگار شخص اسان جي قبرستان مان گذريو، ان قبرن ڏانهن ڏٺو ۽ ٻيهر زندهه اٿارڻ جي باري ۾ غوروفڪر ڪيائين۔ مُردن کان نصيحت حاصل ڪيائين، پنهنجي لغزش تي رُنائين ۽ پنهنجي خطائن تي شرمسار ٿي الله پاڪ جي بارگاھ ۾ سچي توبهه ڪيائين ۽ عهد ڪيائين ته هاڻي اهو ڪڏهن به گناهن ڏانهن نه موٽندو۔ ته ان جي توبهه سبب آسمان جا ملائڪ گھڻا خوش ٿيا ۽ چوڻ لڳا: سُـبْحٰـنَ الـلّٰــه عَزَّوَجَلَّ! هن شخص پنهنجي رب سان ڪهڙي نه بهترين صُلح ڪئي آهي۔ الله پاڪ ان جي توبهه قبول فرمائي۔ پوءِ ايئن ٿيو ته ان ڪجھ قرآنِ ڪريم پڙھيو ۽ رحمتون ورهائڻ واري آقا، ڪرم فرمائڻ واري مصطفيٰ صَلَّى اللهُ تَعَالٰى عَلَيْهِ وَاٰلِهٖ وَسَلَّم تي ويھ (20) ڀيرا دُرودِ پاڪ پڙھيو ۽ ان جو ثواب اسان سڀني قبرستان وارن کي پهچايو۔ ان جو ثواب اسان تي ورهايو ويو ته مون کي به ان مان ڀلائي ملي، جنهن سبب الله پاڪ مون کي بخشي ڇڏيو ۽ مون کي اهو مقام عطا ڪيو ويو جيڪو تون ڏسي رهي آهين۔ (حڪايتيں ۽ نصيحتيں،ص۲۷بتغيرقليل)

Important

Mobile Apps

Contact Us