Sachi Tauba Shab-e-Braat 1440

پىارے پىارے اسلامى بھائىو!عنقریب ماہِ مضان آنے کو ہے ، پکی نیت کر لیجئے کہ ہم رمضان المبارک کے تمام روزے رکھیں گے۔ جتنی بھی گرمی ہوئی اسے برداشت کرتے ہوئے ایک بھی روزہ نہیں چھوڑیں گے۔ اِنْ شَآءَ اللہ

ہر وہ عبادت جس کے کرنے میں مشقت و پریشانی کا سامنا ہو ، اللہ پاک کی رحمت سےاس کا ثواب مزید بڑھ جاتا ہے۔ گرمی کی شدت ، دھوپ کی تپش اور موسم کی سختی کو سہتے ہوئے رمضان کا روزہ اِنْ شَآءَ اللہ کئی گنا زیادہ اجر و ثواب کا مستحق بنا دےگا۔ لہٰذاپکی نیت کیجئے کہ ہم رمضان المبارک کے مکمل روزے رکھیں گے۔ اِنْ شَآءَ اللہ

یاد رکھئے! رمضان کے روزے رکھنا فرض ہے اور اس کا ایک مقصد بھی ہے۔ چنانچہ اللہ پاک قرآنِ پاک میں اِرْشاد فرماتا ہے :

یٰۤاَیُّهَا الَّذِیْنَ اٰمَنُوْا كُتِبَ عَلَیْكُمُ الصِّیَامُ كَمَا كُتِبَ عَلَى الَّذِیْنَ مِنْ قَبْلِكُمْ لَعَلَّكُمْ تَتَّقُوْنَۙ(۱۸۳)

(پ۲ ، البقرہ : ۱۸۳)

ترجَمۂ کنز الایمان : اے ایمان والوتم پر روزے فرض کئے گئے جیسے اگلوں پر فرض ہوئے تھے کہ کہیں تمہیں پرہیزگاری ملے۔

تفسیر صِرَاطُ الْجِنَان میں اس آیتِ کریمہ کے تحت لکھا ہے : روزے کا مقصد تقویٰ و پرہیزگاری کا حصول ہے۔ روزے میں چونکہ نفس پر سختی کی جاتی ہے اور کھانے پینے کی حلال چیزوں سے بھی روک دیا جاتا ہے تو اس سے اپنی خواہشات پر قابو پانے کی مشق ہوتی ہے ، جس سے ضبط ِنفس اور حرام سے بچنے پر قوت حاصل ہوتی ہے اور یہی ضبط ِ نفس اور خواہشات پر قابو وہ بنیادی چیز ہے جس کے ذریعے آدمی گناہوں سے رُکتا ہے۔ (صراط الجنان ، ۱ / ۲۹۲)

Important

Mobile Apps

Contact Us