اےعاشقانِ رسول اسلامی بہنو!قرآنِ کریم میں ثواب پہنچانے کا  ایک طریقہ  یعنی مومنین کیلئے دعائے مغفرت کرنے کا  ثبوت واضح  طور پر موجود ہے،چنانچہ

پارہ 28 سورۂ حشر آیت نمبر 10میں اللہ پاک ارشادفرماتا ہے :

وَ الَّذِیْنَ جَآءُوْ مِنْۢ بَعْدِهِمْ یَقُوْلُوْنَ رَبَّنَا اغْفِرْ لَنَا وَ لِاِخْوَانِنَا الَّذِیْنَ سَبَقُوْنَا بِالْاِیْمَانِ (پ۲۸،الحشر:۱۰)

تَرْجَمَۂ کنز العرفان:اوران کے بعد آنے والے عرض کرتے ہیں:اے ہمارے رب!ہمیں اور ہمارے ان بھائیوں کوبخش دے جو ہم سے پہلے ایمان لائے

حکیمُ الاُمّت حضرت مفتی احمد یار خان نعیمی رَحْمَۃُ اللّٰہ ِعَلَیْہ فرماتے ہیں: یہاں  سے دو مسئلے معلوم ہوئے(1)ایک یہ صرف اپنے لئے دعا نہ کرے،بزرگوں کے لئے بھی کرے۔ (2)بُزرگانِ دِین(رَحْمَۃُ اللّٰہ ِ  عَلَیْہِمْ اَجْمَعِیْن)خصوصاً صحابہ کرام و اَہلِ بَیْت(رَضِیَ اللہُ عَنْہُمْ اَجْمَعِیْن)کے عُرس ، ختم،نیازفاتحہ وغیرہ یہ اعلیٰ(بہترین)چیزیں  ہیں کہ اِن میں اُن بزرگوں کے لئے دعا ہے۔(تفسیر نور العرفان،۲۸/۸۷۳)

اے عاشقانِ اولیااسلامی بہنو!آئیے!آج کے اس ہفتہ وار سنتوں بھرے اجتماع میں ہم اِیصالِ ثواب یعنی ثواب پہنچانے کے تعلق سے ایمان افروز واقعات و حکایات اور دیگر معلوماتی مَدَنی پھول سنتی ہیں،چنانچہ

ایصال ثواب  کی برکت

مشہور صوفی بزرگ حضرت سَیِّدُنا امام محمد غزالی رَحْمَۃُ اللّٰہ  عَلَیْہ  فرماتے ہیں:حضرت سَیِّدُنا حسن بصری رَحْمَۃُ اللّٰہِ عَلَیْہ کی خدمتِ اَقدس میں حاضِر ہو کر ایک عورت نے عَرض کی:میری جوان بیٹی فوت ہوگئی ہے،کوئی ایسا طریقہ ارشادفرما دیجئے کہ میں اسے خواب میں دیکھ لوں۔آپ رَحْمَۃُ اللّٰہ عَلَیْہ نے اُسے