اپنے دِینی و دُنیوی معمولات کو اچھے طریقے سے ادا کرسکیں۔

رسالہ”فاتحہ اور اِیصالِ ثواب کا طریقہ“کا تعارف

بالفرض کسی کو فاتحہ کرنےاور ثواب پہنچانے کا طریقہ نہیں آتا تو پریشان ہونے کی  ضرورت نہیں،اس کے لئےمکتبۃ المدینہ سے شیخِ طریقت،امیرِاَہلسُنّت دَامَتْ بَـرَکاتُہُمُ الْعَالِیَہ  کا رسالہ ”فاتحہ اور اِیصالِ ثواب کا طریقہ“ہَدِیَّۃً  طلب کرکے اس کا مطالعہ کیجئے۔جس میں بہت سی معلومات کے ساتھ ساتھ ثواب پہنچانے کا طریقہ بھی موجود ہے۔اس رسالے کو خودبھی پڑھئے اور دوسروں کو بھی اس کی ترغیب دلائیے۔بالخصوص ثواب پہنچانے کے اجتماعات،مثلاًتِیجہ،دَسواں،چالیسواں،برسی وغیرہ میں فوت شدہ مسلمانوں کو ثواب پہنچانے کے لیےاس رِسالے کوتقسیم کیجئے۔

صَلُّوْا عَلَی الْحَبِیْبِ!                                                                                                صَلَّی اللّٰہُ  عَلٰی مُحَمَّد

عاشقانِ رسول اسلامی بہنو!ہمیں چاہیے کہ ہم اپنی آخرت بہتر بنانے کیلئے گناہوں سے  بچتی رہیں،خوب خوب نیکیاں کریں ،اپنےبچوں  کو بھی نیکیوں کی  ترغیب دلائیں اورانہیں بھی نیک نمازی  بنائیں کیونکہ اولاد کو نیک بنانے،انہیں عِلْمِ دین کے زیور سے آراستہ کرنے اوران کی شریعت کے مطابق مَدَنی تربیت کرنے سے والدین کو جہاں بہت سے دِینی و دُنیوی فائدے حاصل ہوتے ہیں وہیں ایک فائدہ یہ بھی ملتاہے کہ جب والدین اس دنیا سےچلے جاتے ہیں تویہی نیک اولاد ان کے احسانات کو نہیں بُھولتی بلکہ اپنی مصروفیات کے باوجود ان کو ثواب پہنچانے  کیلئے تلاوتِ قرآن کرنا،غریبوں اور مسکینوں کو کھانا کھلانا،مسجد و مدرسہ بنوانا اور مغفرت کی دُعا کرنا سعادت سمجھتی ہے، جوقبر میں ان کے والدین کے سکون  کاسبب  ہوتاہے،چنانچہ