Book Name:Hmesha Sach Bolye
1۔ فرمايائون: توهان تي سچ ڳالهائڻ لازم آهي ڇوته اهو نيڪي سان گڏ آهي ۽ اهي ٻئي جنت ۾ (کڻي ويندا) آهن۔ (الاحسان،ڪتاب الحظر والاباحۃ، باب الڪذب، ۷/۴۹۴،حديث:۵۷۰۴)
2۔ فرمايائون؛ بيشڪ سچائي ڀلائي جي طرف هدايت ڏيندي آهي ۽ ڀلائي جَنَّت ڏانهن وٺي ويندي آهي ۽ انسان برابر سچ ڳالهائيندو رهندو آهي ايستائين جو اللہ پاڪ وٽ صِدّيق ٿي ويندو آهي۔ (بخاری ، کتاب الادب، باب قول اللّٰہ تعالیٰ، ۴/۱۲۵، رقم:۶۰۹۴)
پيارا پيارا اسلامي ڀائرو! معلوم ٿيو سچ جون کوڙ برڪتون آهن، ٭ سچ هڪ نيڪي آهي۔ ٭ سچ جنّت ۾ وٺي ويندڙ ڪم آهي۔ ٭ سچ ڀلائي ڏانهن وٺي ويندو آهي۔ ٭ سچ خير کي ماڻڻ جو سبب آهي۔ ٭ سچ جنتين جي عملن مان آهي۔ ٭ سچ دنيا ۾ نجات ڏياريندو آهي۔ ٭ سچ قبر کي نورُ علٰي نُورُ ڪرڻ جو سبب آهي۔ ٭ سچ آخرت ۾ به فائدي جو سبب آهي۔ ٭ سچ سان معاشري ۾ روشني پکڙجندي آهي۔ ٭ سچ سان معاشرو خوشگوار ٿيندو آهي۔ ٭ سچ ذهني سڪون فراهم ڪندو آهي۔ ٭ سچ ڳالهائڻ وارو هميشه فائدي ۾ رهندو آهي۔ ٭ سچ ڳالهائڻ واري سان ماڻهو محبت ڪن ٿا۔ ٭ سچ انسان کي بااعتماد بڻائيندو آهي۔ ٭ سچ سان ڪاروبار ۽ تجارت ۾ برڪت ٿيندي آهي، امطلب ته! سچ دِين ۽ دنيا جي ڪيئي فائدن جو سبب بڻجي سگھي ٿو۔ لهٰذا سچ جي عادت بنايو ۽ ڪوڙ کان بچو.
پيارا پيارا اسلامي ڀائرو! رجب المرجب جو بابرڪت مهينو جاري آهي، هن مبارڪ مهيني ۾ روزا رکڻ جا ڪثير فائدا آهن، حديث پاڪ ۾ آهي ته رجب جي هر ڏينهن جو روزو هڪ مهيني جو ڪفارو آهي. (الجامع الصَّغیرحدیث ۵۰۵۱ ص۳۱۱ ، از فیضانِ سُنّت،ص۱۳۶۲) جڏهن ته هڪ ٻي حديث ۾ آهي ته جنهن رجب جو هڪ روزو رکيو ته اهو هڪ سال جي روزن وانگر هوندو. (الجامع الصَّغیرحدیث ۵۰۵۱ ص۳۱۱ ، از فیضانِ سُنّت،ص۱۳۶۲) اَلْـحَمْـدُ لـِلّٰـه عَزَّوَجَلَّ رجب جا ڪجھ ڏينهن اڃان به باقي آهن، تنهنڪري همت ڪيو ۽ رجب جا روزا رکڻ جي سعادت حاصل ڪيو. الله پاڪ اسان کي