بعد ۾ آهيون ته منهنجو دوست ڪهڙو ماڻهو آهي؟ ان جون عادتون ڪهڙيون آهن؟ ان جو مزاج ڪهڙو آهي؟ ۽ هو دِين ۽ شريعت جو پابند ڪيترو آهي۔

    ياد رکو! دوست ئي انسان جي مزاج ۽ عادتن جي سڃاڻپ هوندو آهي، ان ڪري دوست انهيء کي بنائڻ گھرجي جيڪو ديندار هجي۔      

     حضرت سَيدُنا امام جعفر صادق رَحْمَةُ اللهِ تَعَالٰی عَلَيْه فرمائن ٿا: پنج (5) قسم جي ماڻهن جي صحبت اختيار نه ڪيو!

1۔ گھڻو ڪوڙ ڳالهائيندڙ شخص، ڇوته توهان کي ان کان ڌوڪو ملندو، هو سراب (يعني صحرا ۾ پاڻي جيان نظر ايندڙ وارِي) جيان آهي۔ اهو پري واري کي تنهنجي قريب ڪندو ۽ قريب واري کي پري ڪندو۔

2۔ بيوقوف ماڻهو، ڇوته ان کان توهان کي ڪجھ به حاصل نه ٿيندو، اهو توهان کي نفعو پهچائڻ چاهيندو پر نقصان پهچائي ويهندو۔

3۔ بخيل شخص، ڇوته جڏهن توهان کي ان جي گھڻي ضرورت هوندي ته هو دوستي ختم ڪري ڇڏيندو۔

4۔ بُزدل شخص، ڇاڪاڻ ته اهو مشڪل وقت ۾ توهان کي ڇڏي ڀڄي ويندو ۔

5۔ فاسق شخص، ڇوجو اهو توهان کي هڪ گرھ يا ان کان به گھٽ قيمت ۾ وڪڻي ڇڏيندو۔ ڪنهن پڇا ڪئي ته گرھ کان گھٽ ڇا آهي؟ فرمايائون: لالچ رکڻ ۽ ان کي نه حاصل ڪرڻ۔ (احياء العلوم، ڪتاب آداب الالفۃ ۔۔۔ الخ، الباب الاول في فضيلۃ الالفۃ والاخوۃ۔۔۔ الخ، بيان الصفات المشروطۃ فيمن تختار صحبته، ۲/۲۱۴-۲۱۵)

مِنهاجُ العابدين پڙھڻ واري مدني انعام تي عمل ڪريو

    پيارا پيارا اسلامي ڀائرو! حضرت سَيدُنا امام جعفر صادق رَحْمَةُ اللهِ تَعَالٰی عَلَيْه جي نصيحتن تي عمل ڪريو ۽ نيڪ ۽ دِين دار ماڻهن جي صحبت ۾ رهڻ جي عادت بڻايو۔ چڱي ۽ نيڪ صحبت انسان کي سٺو ۽ نيڪ بڻائيندي آهي جڏهن بُري صحبت بُرائين ڏانهن وٺي ويندي آهي۔ چڱي ۽ نيڪ صحبت جو هڪ