آهي بلڪ آخرت ۾ به سچ ڳالهائڻ وارا سرفراز (يعني ڪامياب) ٿيندا۔ قرآنِ پاڪ ۾ بالڪل واضح طور تي انهيء ڳالھ کي بيان ڪيو ويو آهي، جيئن سيپاري 7 سوره مائده، آيت 119 ۾ ارشاد آهي:

هٰذَا یَوْمُ یَنْفَعُ الصّٰدِقِیْنَ صِدْقُهُمْؕ-لَهُمْ جَنّٰتٌ تَجْرِیْ مِنْ تَحْتِهَا الْاَنْهٰرُ خٰلِدِیْنَ فِیْهَاۤ اَبَدًاؕ-رَضِیَ اللّٰهُ عَنْهُمْ وَ رَضُوْا عَنْهُؕ-ذٰلِكَ الْفَوْزُ الْعَظِیْمُ(۱۱۹)

ترجمو ڪنزُالايمان: هيء آهي اهو ڏينهن جنهن ۾ سچن کي سندن سچ ڪم ڏيندو، انهن جي واسطي باغ آهن جن جي هيٺيان نهرون جاري آهن، هميشه هميشه انهن ۾ رهندا الله انهن کان راضي ٿيو ۽ اهي الله کان راضي، اها آهي وڏي ڪاميابي.

(پ ۷، المائد ه: ۱۱۹)   

      مُفسّرِ قرآن، حضرت علامه اسمٰعيل حقّي رَحْمَةُ اللهِ تَعَالٰی عَلَيْه هن آيت سڳوري تحت جيڪو ڪجھ ارشاد فرمايو آهي، ان جو خلاصو مدني گلن جي صورت ۾ هن طرح آهي: ٭ سچ ڳالهائڻ وارن کي قيامت جي ڏينهن سچ نفعو ڏيندو۔ ٭ دنيا ۾ ڳالهايو ويندڙ ڪوڙ ۽ ڪيو ويندڙ ڏيکاء قيامت جي ڏينهن ڪنهن صورت نفعو نه ڏيندا بلڪ اُلٽو ڦاسائيندا۔ ٭ عقل مند انسان کي سچائي جي راھ تي هلڻ جي ڪوشش ڪرڻ گھرجي۔ ٭ سچائي کي اختيار ڪرڻ انسان کي نيڪ عملن ڏانهن راغب ڪندو آهي۔ (روح البيان، المائدۃ، تحت الآيۃ: ۱۱۹، ۲/۴۶۷-۴۶۸ ملخصاً)

هڪ ٻي هنڌ تي قرآنِ پاڪ ۾ ارشادِ رباني آهي:

یٰۤاَیُّهَا الَّذِیْنَ اٰمَنُوا اتَّقُوا اللّٰهَ وَ كُوْنُوْا مَعَ الصّٰدِقِیْنَ(۱۱۹)

ترجمو: اي ايمان وار‍ؤ! الله کان ڊڄو ۽ سچن جي صحبت ۾ هجو. (پ11،توبه،آيت119)

تفسير صراط الجنان ۾ هن آيت سڳوري تحت آهي يعني انهن ماڻهن سان گڏ ٿي وڃو جيڪي ايمان ۾ سچا آهن، جيڪي مخلص آهن ۽ جيڪي رسولِ اڪرم صَلَّى اللهُ تَعَالٰى عَلَيْهِ وَاٰلِهٖ وَسَلَّمجي اِخلاص سان تصديق ڪن ٿا۔ (صراط الجنان، ۴/۲۵۷)