(Plant) جي شروعات هڪ ٽاري سان ٿيندي آهي، ان وقت اها ٽاري ايتري ڪمزور هوندي آهي جو جيڪڏهن ٻار ان کي ڪڍي يا ٻڪري کائي وٺي ته ان جي جڙ ئي ختم ٿي ويندي آهي۔ پوءِ ان ٽاري کي مسلسل پاڻي ڏنو ويندو آهي جنهن سان وڌندي ويندي آهي ايستائين جو ان جي هڪ مضبوط جڙ تيار ٿي ويندي آهي، پوءِ اها ئي ٽاري جيڪا پهريان گھڻي ڪمزور هئي هاڻي ڇانوَ به ڏيندي آهي ميوو به ڏيندي آهي۔ اهڙي طرح سچائي به شروع ۾ دل ۾ ڪمزور هوندي آهي۔ ٻانهو ان جي حفاظت ۽ سار سنڀار ڪندو رهندو آهي، ڪوڙ کان بچندو رهندو آهي ۽ سچ جي ٻُوٽِي (Plant) جي سار سنڀار ڪندو رهندو آهي، ان حفاظت جي سبب الله پاڪ سچائي کي مضبوطي عطا فرمائيندو آهي، سچ ڳالهائڻ واري تي پنهنجون برڪتون نازل فرمائيندو آهي۔ پوءِ اهو سچ ڳالهائڻ ۽ سچائي جي حفاظت ڪرڻ جي ڪري ٻانهو ان مقام تي پهچي ويندو آهي جو ان جو ڪلام خطا ڪارن ۽ گناهن جي بيمارن جي لاءِ دوا جو ڪم ڏيڻ لڳندو آهي۔ اها ڳالھ بيان ڪرڻ کان بعد حضرت مالڪ بن دينار رَحْمَةُ اللهِ تَعَالٰی عَلَيْه پڇا ڪئي: ڇا توهان اهڙن ماڻهن کي ڏٺو آهي جيڪي هن رُتبي تي فائز ٿيا؟ پوءِ پنهنجو پاڻ کي مخاطب ڪندي فرمايائون: ها! ڇو نه، خدا جو قسم! اسان اهڙن ماڻهن کي ڏٺو آهي ۽ اهي حضرت سيدُنا حسن بصري رَحْمَةُ اللهِ تَعَالٰی عَلَيْه آهن، اهي حضرت سيدُنا سعيد بن جبير رَحْمَةُ اللهِ تَعَالٰی عَلَيْه آهن ۽ انهن جھڙا ٻيا خوش بخت انسان آهن، هي اهي ماڻهو آهن جو انهن مان هڪ شخص جي ڪلام سان الله پاڪ هزارين ماڻهن کي زندگي بخشيندو آهي يعني انهن جو ڪلام ٻڌي الله پاڪ جي رحمت سان هزارين انسان بُرائي جي راھ ڇڏي نيڪي جي رستي جا مسافر بڻجي ويندا آهن۔     (الله والوں ڪي باتيں، ۲/۵۴۸بتغير)

صَلُّو ْا عَلَي الْحَبِيب!                                                                                     صَلَّي الله عَلٰي مُحَمَّد

سچ آخرت ۾ فائدو ڏيندو

          پيارا پيارا اسلامي ڀائرو! معلوم ٿيو ته سچ جون وڏيون برڪتون آهن۔سچ هڪ اهڙي خُوبي آهي جيڪا نه صرف هن دنيا ۾ انسان کي ڪاميابي ڏياريندو