ہوئے آنے والی نَسْلوں کی آسانی اورعلم ِدین کو عام کرنے کے عظیم جَذبے کے پیشِ نظربے شُمارعُلُوم پرکتابیں لکھیں۔ان بُزرگانِ دین رَحْمَۃُ اللّٰہ ِ  عَلَیْہِمْ اَجْمَعِیْن نےنیکی کی دعوت کے عظیم  مَقْصد کے لئے اپنے وَقْت اور گھر بار کی قُربانیاں دیں۔تصوُّر کریں توتاریخ کے صفحات پر کہیں اِمامِ اعظم رَحْمَۃُ اللّٰہ عَلَیْہ عِلْمِ دین کے موتی لُٹاتے دِکھائی دیتے ہیں،تو کہیں غوث ِپاک رَحْمَۃُ اللّٰہ عَلَیْہ نُورِعلم سے لوگوں کے دلوں کو روشن فرماتے ہیں۔کہیں امامِ غزالی رَحْمَۃُ اللّٰہ عَلَیْہ اِصْلاحِ اُمَّت فرمارہے ہیں تو کہیں اِمام احمد رضا خان رَحْمَۃُ اللّٰہ عَلَیْہ جیسی عظیم ہستی نے اپنی تحریروں کے ذَریعےعلم کے پیاسوں کوسیراب فرمایا۔ اَلْحَمْدُلِلّٰہ اس دور میں شیخِ طریقت،امیرِاہلسُنَّت،بانیِ دعوتِ اسلامی حضرت علامہ  مولانا ابو بلال محمد الیاس عطارقادری رَضَوی ضِیائی دَامَتْ بَـرَکاتُہُمُ الْعَالِیَہ نے ساری دُنیا میں نیکی کی دعوت عام کرنے کےلئے عاشقانِ رسول کی مدنی تحریک’’دعوتِ اسلامی‘‘کی بُنیاد رکھی۔الغرض ان مُقدَّس ہستیوں نے بیان وتدرِیس،تصنیف و تالیف اور نیکی کی دعوت وغیرہ کے ذَریعے اِصلاحِ اُمّت کا عظیم کام جاری رکھا۔تو آئیے!آج ہم بزرگانِ دین رَحْمَۃُ اللّٰہ ِ  عَلَیْہِمْ اَجْمَعِیْن کے اِصلاحِ اُمّت کے جذبے سے معمور چند ایمان افروز واقعات سنتے ہیں۔

صَلُّوْا عَلَی الْحَبِیْب!                              صَلَّی اللّٰہُ تَعَالٰی عَلٰی مُحَمَّد

شَیْخِ طَریقَت،اَمیرِ اَہلسُنّت،بانیِ دعوتِ اسلامی حضرت علّامہ مَوْلانا ابُو بِلال محّمد اِلیاس عطّار قادِرِی رَضَوِی ضِیائی دَامَتْ بَـرَکاتُہُمُ الْعَالِیَہ  نے اپنی عظیمُ الشّان کتاب”فیضانِ سنّت“جلد دوم کے باب”نیکی کی دَعْوَت“ کےصَفْحہ نمبر 514 پر ایک اِیمان اَفْروز واقعہ نَقْل فرمایاہے۔آئیے!ہم بھی وہ واقعہ سُنتے ہیں اور اُس سے حاصل ہونے والے مَدَنی پُھولوں سے اپنے دل کے  مَدَنی گُلْدَستے کو سجانے کی کوشش کرتے