رونے لگا یہاں تک کہ وہ دونوں بے ہوش ہو کر گر گئے۔  (ذم  الھوی،الباب الخمسون فیہ وصایا …الخ، ص۴۳۷ ملخصاً)

میٹھے میٹھے اسلامی بھائیو!اِس حِکایَت میں ہمارے لئے نصیحت کے بَہُت سے  مَدَنی پُھول مَوْجُود ہیں،مَثَلاً مُبَلِّغ  کو چاہئے کہ جب اُسے اِنْفِرادی یا اِجْتِماعی صُورت میں مُسَلمانوں کی اِصْلاح کی کوشِش کرنے کی سَعَادَت نَصیب ہو تو خُود کو مُتَّقِی و پَرْہیزگار اور اِصْلاح سےآزاد سمجھنے کے بجائے یہ سمجھے کہ دَرْ حقیقت یہ نَصِیْحَتمیں اپنے آپ کو کر رہا ہوں۔

اَلْحَمْدُ لِلّٰہبُزرْگانِ دِین رَحْمَۃُ اللّٰہ ِ  عَلَیْہِمْ اَجْمَعِیْن کےفَیْضَان سے مالامال عاشقانِ رسول کی مَدَنی  تَحریک دَعْوتِ اِسلامی اِصْلاحِ اُمَّت کے لئے اپنی کوششیں جاری رکھے ہوئے ہے۔اِس تَحریک  سے وابَسْتہ بعض مُبَلِّغِیْن اِس عظیم سُنّت پر عَمَل کرتے ہوئے آنسو برساتی آنکھوں اور عاجِزِی و اِنکِسَاری کے ساتھ نیکی کی دَعْوَت دے کربگڑے ہوئے لوگوں کی اِصْلاح کی کوشِش کا سامان  کرتے ہیں۔یقیناً  اِن جیسے مُخْلِص مُبَلِّغِیْن کی اِنْفِرادی و اِجتِماعی کوشِشوں کا ہی تو صَدَقَہ ہے کہ آج مُعاشَرے میں سُنَّتوں کی مدنی بَہاریں عام ہیں،کَل تک جو کُفْر کی تارِیکیوں  میں بَھَٹک رہے تھے، بَد عقیدہ تھے،وَالِدَین کے نافرمان تھے،فیشن کےشوقین تھے،گانےباجوں کےدلدادہ تھے،حَرام خوری اورعِشْقِ مَجازی کی آفت میں گِرِفتار تھے، اَلْغَرَض طرح طرح کے گُناہوں کی دَلدَل میں دَھنسے ہوئے تھے،مگر جب اِصْلاحِ اُمَّت کا دَردرکھنے والے مُخْلِص مُبَلِّغِیْنِ دعوتِ اِسلامی نے خَوْفِ خُدا میں ڈُوب کر اُنہیں  فِکْرِ آخِرت پر مُشْتَمِل نیکی کی دَعْوَت پیش کی تو اُن کے دل نَرْم پڑ گئے اور وہ بھی دعوتِ اِسلامی سے وابستہ ہو کر سُنَّتوں کی دُھومیں مَچانے والے بن گئے۔لہٰذا ہمیں چاہئے کہ ہم بھی اِس عظیم نیکی کے لئے خُود کو