ئي موقعو مليو ته ڪجھ کجورون هڪ ٿالهيءَ ۾ رکي بارگاھ رسالت ۾ حاضر ٿيا ۽ عرض ڪيائون: اهو صدقو آهي، قبول فرمائي وٺو! پياري آقا صَلَّى اللهُ تَعَالٰى عَلَيۡهِ وَاٰلِهٖ وَسَلَّمَ صحابَه ڪرام کي فرمايائون: توهان کائي وٺو، ۽ پاڻ نه کاڌائون۔ اهڙي طرح هڪ نشاني ته پوري ٿي، هڪ ڀيري ٻيهر کجورن واري ٿالهي کڻي پهتا ۽ عرض گذار ٿيا ته اهو تحفو آهي، قبول فرمائي وٺو۔ رحمتِ عالم صَلَّى اللهُ تَعَالٰى عَلَيۡهِ وَاٰلِهٖ وَسَلَّمَ صحابَه ڪرام کي کائڻ جو اشارو ڪيائون ۽ پاڻ به تناول فرمايائون۔ اهڙي طرح ٻي نشاني به پوري ٿي ان وچ ۾ پاڻ رَضِیَ اللہُ تَعَالٰی عَنْہُ  رحمت عالم صَلَّى اللهُ تَعَالٰى عَلَيۡهِ وَاٰلِهٖ وَسَلَّمَ جي ٻنهي ڪلهن جي وچ ۾ ”مُهرِ نَبُوت“ کي به ڏسي ورتائون، ان ڪري يڪدم اسلام قبول ڪري ورتو ۽ ان دَر جا غلام بڻجي ويا جن تي بادشاهن جا ڪنڌ جھڪندا آهن۔ (طبقاتِ ابنِ سعد ، ۴/۵۸ ملخصاً) غزوهءِ خندق ۾ خندق کوٽڻ جو مشورو به پاڻ     ئي جو هو۔ (طبقاتِ ابنِ سعد، 2/51) پاڻ رَضِیَ اللہُ تَعَالٰی عَنْہُ کي سرورِ ڪونين صَلَّى اللهُ تَعَالٰى عَلَيۡهِ وَاٰلِهٖ وَسَلَّمَ  سان تمام گهڻي محبت هئي، پنهنجي وقت جو ڪافي حصو دربارِرسالت ۾ گذاري فيضانِ نبوي سان فيضياب ٿيندا هئا، ان جي بدلي ۾ بارگاھِ رسالت مان سَلمَانُ الخَير۔ (سنن الڪبري للنسائي، ۶/۹، حديث: ۹۸۴۹) ۽ سَلْمَانُ مِنَّا اَهلَ الْبَيت (سلمان اسان جي اَهلِ بيت مان آهن)۔ (مسند بزار، ۱۳/۱۳۹، حديث: ۶۵۳۴) جهڙي خوشخبري ٻڌڻ جي سعادت ماڻي.

 هڪ ٻي هنڌ تي هن وڏي خوشخبري سان سرفراز ٿيا ته جنّت ”سلمان فارسي“ جي مشتاق آهي۔ (ترمذي،ڪتاب المناقب، باب مناقب سلمان فارسي ۵/۴۳۸، حديث:۳۸۲۲)

حضرت سَيدنا سلمان فارسي  رَضِیَ اللہُ تَعَالٰی عَنْہُ جي صدقي اسان تي به ڪرم ٿئي ۽ اسان به جنت ۾ داخل ڪيا وڃون. اچو! دعا ڪريون ٿا

اللہ کرم اتنا گنہگار پہ فرما

جنت میں پڑوسی مرے آقا کا بنادے

حضرت ابوهريره جو مختصر تعارف  

آفتابِ نُبُوّت، ماهتابِ رسالت صَلَّى اللهُ تَعَالٰى عَلَيۡهِ وَاٰلِهٖ وَسَلَّمَ جي صحبت جو شَرَف ماڻڻ وارن روشن تارن مان هڪ حضرت سيدنا ابوهريره رَضِیَ اللہُ تَعَالٰی عَنْہُ به آهن۔ پاڻ رَضِیَ اللہُ تَعَالٰی عَنْہُ جليلُ القدر صحابه ڪرام مان آهن، پاڻ رَضِیَ اللہُ تَعَالٰی عَنْہُ 7 هجري فتحِ خيبر جي سال ايمان جي دولت سان مشرف ٿيا۔ غالباً پاڻ رَضِیَ اللہُ تَعَالٰی عَنْہُ جو نالو عَبدُ الرَّحمٰن بن صَخر دَوسي تميمي آهي۔ هڪ ڀيري سرڪارِ نامدار صَلَّى اللهُ تَعَالٰى عَلَيۡهِ وَاٰلِهٖ وَسَلَّمَ حضرت