دُرود پاڪ دعا جي قبوليت جو سبب آهي. ٭ دُرودِ پاڪ تمام پريشانين کي دور ڪرڻ جي لاءِ ۽ تمام حاجتن جي پوري ٿيڻ جي لاءِ ڪافي آهي. (تفسیردرمنثور،پ۲۲،الاحزاب،تحت الآیۃ۵۶،۶/۶۵۴، ملخصًا) دُرودِ پاڪ گناهن جو ڪفارو آهي. (جلاء الافہام، ص۲۳۴) ٭ درود پاڪ صدقي جو قائم مقام بلڪ صدقي کان به افضل آهي. (جذبُ القلوب، ص۲۲۹) ٭ دُرود شريف پڙهڻ سان مصيبتون ٽري ويندون آهن. ٭ دُرودِ پاڪ پڙهڻ سان ظلم کان نجات حاصل ٿي ويندي آهي. ٭ دُرود پاڪ پڙهڻ سان خوف دور ٿي ويندو آهي. ٭ درود پاڪ پڙهڻ سان قيامت جي هولناڪين سان نجات حاصل ٿيندي آهي. ٭ درود پاڪ پڙهڻ سان موت جي تڪليفن ۾ آساني ٿيندي آهي. ٭ دُرود پاڪ جي پڙهڻ سان دُنيا جي تباهڪارين سان نجات ملندي آهي. ٭ دُرودِ پاڪ پڙهڻ سان تنگدستي دور ٿي ويندي آهي ۽ درود پاڪ پڙهڻ سان وسري ويل شيون ياد اچي وينديون آهن.  (جذبُ القلوب، ص۲۲۹)  

طرح طرح جون هزارين سنتون سکڻ جي لاءِ مڪتبة المدينه جي شايع ٿيل ڪتاب 312 صفحن تي مشتمل ڪتاب ”بهار شريعت“ حصو 16 ۽ 120 صفحن جو ڪتاب ”سنتیں اور آداب“ هديو ڏئي حاصل ڪيو ۽ پڙهوـ

صَلُّوْا عَلَی الْحَبِیْب!                                                                                                صَلَّی اللّٰہُ تَعَالٰی عَلٰی مُحَمَّد

ايندڙ هفتيواراجتماع جي بيان جون جھلڪيون

پياريون پياريون اسلامي ڀينرون! اِنْ شَــآءَالـلّٰـه عَزَّوَجَلَّ! ايندڙ هفتيوار اجتماع ۾ اسان  اصحابِِ صُفَّہ عَـلَيْهِمُ الرِّضْوَانْ جي شان ۽ عظمت ۽ انهن جي قُربانين جي باري ۾ ٻڌنديون سين. هنن الله جي پيارن مان ڪجھ مشهور صحابي سڳورن عَـلَيْهِمُ الرِّضْوَانْ جي مبارڪ زندگين جي باري ۾ ڪجھ ايمان افروز واقعا به ٻڌنديون سين. اصحابِ صُفَّہ  جي سيرت مان اسان کي ڪهڙو درس ملندو آهي، اهي ڪهڙا سبب هئا جو اصحابِ صُفَّہ پنهنجا گهرٻار، اهل ۽ عيال ۽ فڪرِ روزگار سان بي نياز ٿي ڪري مسجدِ نبوي ۾ ئي رهندا هئا، هي سڀ ايندڙ اجتماع جي بيان ۾ اسان ٻڌڻ جي سعادت حاصل ڪنديون سين، تنهنڪري اچڻ واري اربع تي به اجتماع ۾ حاضري جي نيت ڪيو ۽ هٿ مٿي ڪري چئو؛ اِنْ شَــآءَالـلّٰـه عَزَّوَجَلَّ!