جبکہ پارہ1 سورۃ ُالبقرہ کی آیت نمبر 21میں ارشاد ہوتا ہے:

یٰۤاَیُّهَا النَّاسُ اعْبُدُوْا رَبَّكُمُ الَّذِیْ خَلَقَكُمْ وَ الَّذِیْنَ مِنْ قَبْلِكُمْ لَعَلَّكُمْ تَتَّقُوْنَۙ(۲۱)(پ١،البقرہ :۲۱)                                                                                                                                                                                                                                                             تَرْجَمَۂ کنز الایمان : اے لوگو! اپنے ربّ کو پُوجو جس نے تمہیں اور تم سے اگلوں کو  پیدا کیا یہ امید کرتے ہوئے کہ تمہیں پرہیزگاری ملے۔

میٹھے میٹھے اسلامی بھائیو!ان آیاتِ مبارکہ میں عبادت کا واضح بیان ہے  اور ایک آیت میں یہ بھی بیان کیا گیا کہ انسانوں اور  جِنّوں کو اللہ  پاک کی عبادت کے لئے پیدا کیا گیا ہے اور جب ہمارے خالق و مالک اللہ  کریم نے ہمیں ہماری تخلیق کا مقصد (Purpose)بتا دیا ہے تو اب ہم پر بھی  لازم ہے کہ ہم اس مقصد کو پانے میں مصروف ہو جائیں  اور خوب خوب اللہ پاک کی عبادت کریں اور یہ بات بھی واضح ہے کہ جہاں عبادت کرنے کا حکم ہے، وہاں عبادت کس طرح کرنی ہے، اس کی رہنمائی بھی فرمائی گئی، لہٰذا ہمیں چاہیے کہ ہم عبادت کرنے کے طریقے سیکھیں اور اس کے مطابق عبادت بجا لائیں ۔مثلاً نمازِنفل پڑھنی ہے یافرض نمازپڑھنی ہے، تب بھی اس کے حقوق ادا کرنے ہوں گے۔تلاوتِ قرآن کے ذریعے عبادت کرنی ہے توقرآنِ کریم دُرست پڑھنا سیکھنا ہوگا،فرض حج اداکرناہے توحج کے ضروری مسائل واحکام سیکھنے ہوں گے،زکوٰۃ فرض ہونے کی صورت میں زکوٰۃ کے مسائل سیکھنے ہوں گے۔

اگر ہم بزرگانِ دِین کی سیرت کا مطالعہ کریں تو ہمیں معلوم ہوگا کہ ٭اللہ  پاک کے تمام نیک بندے عبادت و ریاضت کے شیدائی ہوتے تھے،٭ان کے شب و روز عبادت و بندگی میں بسر ہوتے، ٭ہر وقت یادِ الٰہی میں اپنا وقت گزارنا ان کا محبوب  ترین مشغلہ  ہوتا۔اولیاءِ کرام کی سیرت میں حصولِ علم اورعبادت  دونوں پہلو نمایاں ملیں گے ۔

آئیے! ذوقِ عبادت بڑھانے اور بزرگوں کے نقشِ قدم پر چلنے کی نیت سے اولیائے کرام رَحْمَۃُ