پنهنجي عقل ۽ هوشياري تي اعتماد ڪرڻ بدران الله پاڪ جي فضل وڪرم تي نظر رکڻ گھرجي۔ ياد رهي! جنهن وٽ مال هوندو آهي ان وٽ چور ايندو آهي، جنهن وٽ ايمان جي دولت آهي ان وٽ ايمان جو ڦورو شيطان ضرور ايندو آهي، جنهن جو ايمان جيترو مضبوط هوندو آهي، ان وٽ ايتري قدر نيڪين جي خزاني جي به ڪثرت هوندي آهي، تنهنڪري اتي شيطان تمام گھڻو زور لڳائيندو آهي۔ اسان جي پيرومرشِد حُضُور ِغوثِ اعظم رَحْمَةُ اللهِ تَعَالٰی عَلَيْه جي زوجه محترمه رَحْمَةُ اللهِ تَعَالٰی عَلَيْهَا وٽ ايمان ۽ عملن جي خزانن جا انبار ڏسي شيطان ڌاڙو هڻڻ ۽ سندن کي گمراه ڪرڻ جي خطرناڪ ڪوشش ڪئي پر الله پاڪ جي فضل و ڪرم ۽ ولين جي سردار، حضورغوثِ پاڪ رَحْمَةُ اللهِ تَعَالٰی عَلَيْه جي برڪت سان اهو مردود ناڪام ۽ نامُراد ٿي ويو۔

دمِ نزع شیطاں نہ ایمان لے لے                           حفاظت کی فرما دعا غوثِ اعظم

 (وسائل بخشش مرمم،ص۵۵۳)

مجلس مدرسة المدينه آن لائن

اي عاشقانِ غوثُ الاعظم! اچو! ايمان ۽ عملن جي حفاظت جي لاءِ غوثِ پاڪ رَحْمَةُ اللهِ تَعَالٰی عَلَيْه جي دامنِ ڪرم سان وابسته ٿي وڃو، اچو! شيطاني چالن کان بچڻ جي لاءِ غوثِ پاڪ رَحْمَةُ اللهِ تَعَالٰی عَلَيْه جي غلامي جو پٽو پنهنجي ڳلي ۾ وجھي ڇڏيو، اچو! غوثِ پاڪ رَحْمَةُ اللهِ تَعَالٰی عَلَيْه جي دامنِ ڪرم سان وابسته ٿي وڃو ۽ شيخِ طريقت، اميرِ اهلسنت دَامَـتْ بَـرَكَـاتُـهُـمُ الْـعَـالِـيَـهْ جي ذريعي قادري عطاري سلسلي ۾ مريد ٿي فيضانِ غوثِ پاڪ سان مالا مال ٿي وڃو۔

اميرِاهلسنت  دَامَـتْ بَـرَكَـاتُـهُـمُ الْـعَـالِـيَـهْ جي غوثِ پاڪ رَحْمَةُ اللهِ تَعَالٰی عَلَيْه    سان مَحَبَّت جون ڪجھ جھلڪيون

اَلْـحَمْـدُ لـِلّٰـه عَزَّوَجَلَّ شيخِ طريقت، اميرِ اهلسنت دَامَـتْ بَـرَكَـاتُـهُـمُ الْـعَـالِـيَـهْ کي پنهنجي پيرو مرشِد حضور غوثِ پاڪ رَحْمَةُ اللهِ تَعَالٰی عَلَيْه سان بيحد محبت آهي۔ اچو! غوثِ پاڪ رَحْمَةُ اللهِ تَعَالٰی عَلَيْه سان سندن محبت جون ڪجھ ايمان افروز جھلڪيون ملاحظه ڪريو: