میٹھی میٹھی اسلامی بہنو!اَمِیْرُالْمُوْمِنیْنحضرت سَیِّدُناعلی کَرَّمَ اللّٰہُ تَعَالٰی وَجْہَہُ الْکَرِیْم اپنے دَوْرکے مُسلمانوں کی عَملی حالت پر کُڑھن کا اِظہار کرتے ہوئے صحابۂ کرام عَلَیْہِمُ الرِّضْوَان کی عِبادت ورِیاضت ،قرآنِ پاک کی تِلاوت پر اِسْتِقامت کویاد فرمارہے ہیں۔جبکہ  ہمارا مُعامَلہ یہ ہے کہہمارے شب وروز اللہ  پاک اور نبیِّ پاک ،صاحبِ لولاک صَلَّی اللّٰہُ تَعَالٰی عَلَیْہِ واٰلہٖ وسلَّم کی نافرمانیوں میں بسر ہورہے ہیں اَوّلاًتو ہم سے نیکیاں ہوتی  نہیں  اگر کوئی نیکی کر بھی  لیں تویہ تَمنّا ہمیں تنگ کرتی رہتی ہے کہ لوگوں میں ہماری واہ واہ ہوتی رہے ۔ نیک نامی بڑھتی رہے۔ اے کاش! ہمیں یہ سعادت مل جائے کہ ہم اپنی نیکیوں کو بھی اُسی طرح چُھپائیں جس طرح اپنے گُناہوں کوچُھپاتی ہیں، اور بس اِسی کو کافی سمجھیں کہ اللہ پاک ہماری نیکیاں جانتا ہے۔بِالْخُصُوص پَوشیدہ نیکی کرنے کے بعدنَفْس کی خُوب نگرانی کی جائے کیوں کہ ہوسکتا ہے یہ عِبادت ظاہر کرنے کی حِرْص نَفْس کے اَنْدر جوش مارے اوروہ کچھ اِس طرح پھنسانے کی ترکیب کرے کہ اپنی یہ عبادت لوگوں پر ظاہر کر دے کہ اِس طرح نیکیاں چُھپائے رکھنے سے جب دوسروں کو تیرے مَقام و مَرتبے کا علم ہی نہیں ہوگا تووہ  کہیں تیری پَیروی سے مَحْروم نہ رہ جائیں ، ایسے میں تیرے ذَرِیعے نیکی کی دعوت کیسے عام ہوگی ؟ وغیرہ ۔ ایسی صورت میںاللہ پاک سے اِسْتِقامت و ثابِت قَدَمی کی دُعا کرنی چاہئے اور اپنے عمل کے بدلے میں ملنے والی جنَّت کی عظیمُ الشّان دائمی نعمت یاد کرنی چاہئے۔ خود کو ڈرانا چاہئے کہ جو شخص اللہ پاک   کی عبادت کے ذَرِیعے اس کے بندو ں سے اَجر (یعنی بدلے )کا طالِب ہوتا ہے، اُس پر اللہ پاک کا غَضَب نازِل ہوتا ہے اور یہ بھی ہوسکتا ہے کہ دوسروں کے سامنے اپنا عمل ظاہر کرنے کی وجہ سے وہ ان کے نزدیک تو محبوب (یعنی پیارا) ہوجائے لیکن اللہ پاک کے نزدیک اُس کا مقام ومرتبہ گِرجائے ! تو کہیں اِس طرح میرا عمل بھی ضائِع نہ ہوجائے! پھر نفس کو اِس طر ح سمجھائے کہ میں کس طر ح اس عمل کو لوگوں کی تعریف کے بدلے بیچ دو ں وہ تو خود عاجِزولاچار ہیں نہ تو وہ مجھے رِزْق دے سکتے ہیں اور نہ ہی