کے ساتھ کیسی رہی ؟‘‘جواب دیا:اُنھوں نے مجھے بِٹھاکر جب سوالات شُروع کئے، تواللہ پاک نے میرے دل میں ڈالا اور میں نے فِرشتوں سے کہہ دیا:’’حضرتِ سیِّدُنا صدّیقِ اکبراور حضرتِ سیِّدُنا فاروقِ اعظم رَضِیَ اللّٰہُ تَعَالٰی عَنْہُمَاکے واسطے مجھے چھوڑ دیجئے۔‘‘یہ سُن کر ایک فرشتے نے دوسرے سے کہا: ’’اس نے بڑی بُزرگ ہستیوں کا وَسیلہ پیش کیا ہے لہٰذا اس کو چھوڑ دو۔‘‘چنانچہ اُنہوں نے مجھے چھوڑ دیا اور تشریف لے گئے۔(شرح الصدور ،باب فتنة القبر وسوال الملکین ،ص۱۴۱)

صَلُّوْا عَلَی الْحَبِیْب!                                        صَلَّی اللّٰہُ تَعَالٰی عَلٰی مُحَمَّد

میٹھے میٹھے اسلامی بھائیو!ہر مُسلمان کو چاہیے کہ صحابۂ کرام عَلَیْہِمُ الرِّضْوَان کا اِنْتہائی اَدَب واِحْترام  کے ساتھ ذِکْرِ خَیرکرے، ان کی عَقِیدت ومَحَبَّت  کودل میں جگہ دے۔ کیونکہ ان کی مَحَبَّت میں اللہ پاک  اور اس کے پیارے رسول  صَلَّی اللہُ تَعَالٰی عَلَیْہِ وَاٰلِہٖ وَسَلَّم کی مَحَبَّت ہےاور ان سے دشمنی  رکھنا مُنافقت کی علامت اور اللہ پاک  کی لعنت کا سبب ہے ۔حضرت سیِّدُنا ابُو سعید خُدْرِی رَضِیَ اللہُ تَعَالٰی عَنْہ سے مروی ہے، مَحبوبِ رَبُّ الْعزت،مُحسنِ انسانیَّت صَلَّی اللہُ تَعَالٰی عَلَیْہِ وَاٰلِہٖ وَسَلَّم کا فرمانِ عبرت نشان ہے: ’’جو میرے صحابہ میں سے کسی کوبھی بُراکہے اس پر اللہ پاک کی لعنت ہو۔‘‘(معجم الاوسط ،۱/۵۰۰، حدیث:۱۸۴۶)

نبیوں کے سُلطان، رحمتِ عالمیان، سردارِ دو جہان، محبوبِ رَحْمٰن صَلَّی اللہُ تَعَالٰی عَلَیْہِ وَاٰلِہٖ وَسَلَّم کا فرمانِ عبرت نشان ہے: ’’جس نے انہیں ( صحابہ کو) ستایا اس نے مجھے ستایا اور جس نے مجھے ستایا، اس نے اللہ پاک کو ایذا دی اور جس نے اللہ پاک کو ایذا دی تو قریب ہے کہ اللہ پاک اس کی پکڑ فرمائے۔ ‘‘(مشکاة المصابیح،کتاب المناقب،باب مناقب الصحابة، الفصل الثانی،۲/۴۱۴،حدیث:۶۰۱۴)

حکیمُ الاُمَّت حضرت مفتی احمد یار خان رَحْمَۃُ اللّٰہ ِتَعَالٰی عَلَیْہ اس کی شرح میں فرماتے ہیں : صحابَۂ کرام