چاند صرف تین رات (آب و تاب سے)چمکتا  ہے چہرۂ مصطفےٰ  ہمیشہ ہر دن اور ہر رات چمکتا ہے۔ ٭ چاند جسموں پر چمکتا ہے چہرۂ مصطفےٰ جسموں کے ساتھ دلوں پر بھی چمکتا ہے۔ ٭چاند صرف ابدان (جسموں) کو نور دیتا ہے جبکہ چہرۂ مصطفےٰ ِاِیمان کو نور دیتا ہے۔ ٭چاند گھٹتا ہے پھر بڑھتا ہے جبکہ چہرۂ مصطفےٰ گھٹنے سے محفوظ ہے۔ ٭چاند کو گِرہن لگتا ہے جبکہ چہرۂ مصطفےٰ کبھی نہ گہے۔ ٭ چاند سے عالَمِ اَجسام کا نظام قائم ہے، جبکہ حضور صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ سے عالَمِ ایمان کا نظام قائم ہے۔(مِراٰۃُ المَناجِیح، باب اسماء النبی۔۔۔الخ،الفصل الثانی،۸/۶۰)

آسماں کے چاند میں تو پھیکا پھیکا نور ہے                             آگیا وہ نور والا جس کا سارا نور ہے

صبحِ میلادُ النَّبی ہے کیا سُہانا نور ہے                                 آگیا وہ نور والا جس کا سارا نور ہے

آنکھ والو آؤ دیکھو ماہِ طیبہ کی ضیا                                    آسماں کے چاند میں تو پھیکا پھیکا نور ہے

تُو نہ ہوتا تو نہ ہوتا دو جہاں کا انتظام                                تُو زمیں کا نور ہے تُو آسماں کا نور ہے

صَلُّو ْا عَلَی الْحَبِیْب!                                  صَلَّی اللہُ تَعَالٰی عَلٰی مُحَمَّد

چہرہ ایسےجیسے سورج چمک رہا ہو

(3)                  ایک مرتبہ  حضرت عمّار بن یاسر رَضِیَ اللّٰہُ عَنْہُ کے پوتے حضرت ابو عبیدہ رَضِیَ اللّٰہُ عَنْہُ نے حضرت ربیعہ بنتِ مسعود رَضِیَ اللہُ عَنْہَا سے عرض کیا کہ آپ مجھے حضور پُر نُور صَلَّی اللہُ عَلَیْہِ وَاٰلِہٖ وَسَلَّم کے حُسن و جمال کے بارے میں کچھ بتائیں ۔انہوں نے کہا:’’ يَا بُنَىَّ لَوْ رَأَيْتَهُ رَأَيْتَ الشَّمْسَ طَالِعَةً‘‘اے بیٹے اگر تُو حضور صَلَّی اللہُ عَلَیْہِ وَاٰلِہٖ وَسَلَّمکا چہرہ اقدس دیکھتا تو  تجھے ایسا لگتا جیسے سورج چمک رہا ہو۔ (دارمی ،باب فی حسن النبی ،۱/۴۴)

سرکار کی آمد …مرحبا   سردار کی آمد …مرحبا      آمنہ کے پھول کی آمد  …مرحبا