ٻڌائيندي هئي جنهن کي اهي گهڻي دل چسبي سان ٻڌندا هئا  الحمد لله عَزَّوَجَلَّ ڪجهه عرصي کان پوءِ رمضان المبارڪ جي آخري ڏهن ڏينهن جو اعتڪاف مسجد بيت ۾ ڪرڻ جي سعادت حاصل ٿي ۽ ان اعتڪاف جي دورانِ  شروع کان آخر تائين فيضان سنت پڙهڻ جي نيت ڪئي جڏهن نفلن ۽ تلاوت کان فارغ ٿيندي هئي ته فيضان سنت جي مطالعي ۾ مصروف ٿي ويندي ۽ گڏو گڏ پنهنجو محاسبو به ڪندي هئي اميرِاهلسنت دَامَـتْ بَـرَكَـاتُـهُـمُ الْـعَـالِـيَـهْ کان بيعت جي سعادت ته پهريان ئي حاصل ڪري چڪي هئي هاڻي ان جي اثر انداز تحرير پڙهڻ سان نيڪيون ڪرڻ ۽ گناهن کان بچڻ جو ذهن به بڻيو انهي جذبي جي ڪري ان پابندي سان گهر درس شروع ڪري ڏنو جنهن جي برڪت سان آهستي آهستي گهر ۾ مدني ماحول قائم ٿيڻ لڳو  ٽي وي جي نحوست کان جان ڇٽي نمازن جي پابندي ۽ شرعي پردي جو ذهڻ بڻيو ۽ ايئن ان جي گهر جا سڀئي ماڻهو دعوت اسلامي سان وابسته ٿي سنتن تي عمل ڪرڻ لڳا الله عَزَّوَجَلَّ جو اهڙو ڪرم ٿيو جو ان جي شادي به دعوت اسلامي جي هڪ مبلّغ سان نهايت سادگي سان ٿي وليمي جي رات اجتماع ذڪر ۽ نعت جو انعقاد به ٿيو الله عَزَّوَجَلَّ جي امير اهلسنت تي رحمت هجي انهن جي صدقي اسان جي مغفرت ٿئي.  

صَلُّوْا عَلَي الْحَبِيب!                                                                                      صَلَّي اللّٰه تَعَالٰي عَلٰي مُحَمَّد

”ويلنٽائن ڊي“ جون خرابيون

پياريون پياريون اسلامي ڀينرون!معاشري ۾ پکيڙيل ناجائز رسمن ۽ ڏهاڙن مان هڪ ”ويلنٽائن ڊي“ به آهي۔ بسنت جيان اهو به غيرمسلمن جي ڏهاڙن مان هڪ ڏهاڙو آهي جيڪو کوڙ بُرائين جو مجموعو آهي۔ افسوس!صد ڪروڙ افسوس! بَسَنت جيان ”ويلنٽائن ڊي“ جي موقعي تي به ڪجهه نادان تمام شرعي حدن کي اورانگھي خوب گناهن جو بازار گرم ڪندا آهن۔ هن ڏهاڙي کي ملهائڻ جو انداز هي هوندو آهي ته نوجوان ڇوڪرا ۽ ڇوڪريون بي پردگي ۽ بي حيائي سان ميل ملاپ، تحفن سوکڙين جي ڏي وٺ کان وٺي فحاشي ۽ عرياني جي هر قسم جو مظاهرو کلي عام يا لڪي چوري جنهن جو جيترو وس هلي ٿو عام ڏٺو يا ٻڌو ويندو آهي، گفٽ شاپس (gift shops) ۽ گلن جي دڪانن تي رش ۾ اضافو ٿي ويندو آهي ۽ انهن شين کي خريدڻ وارا به نوجوان ڇوڪرا ۽ ڇوڪريون هونديون آهن۔ ويلنٽائن ڊي تي هوٽلن جي بڪنگ عام ڏينهن جي مقابلي ۾ وڌي ويندي آهي ۔شراب جو (مَعَاذَالله عَزَّوَجَلَّ) تمام گھڻو ڪاروبار ٿيندو آهي جڏهن ته سمنڊ جي ڪناري تي بي پردگي ۽ بي حيائي جو هڪ نئون سمنڊ ڏسڻ ايندو آهي۔

اهي ملڪ جتي غير مسلم مذهبي ۽ اخلاقي پابندين کان آزاد رهن ٿا ۽ فحاشي ۽ عُرياني ۽ بي حيائي جي ڪمن کي اتي هر طرح جي قانوني ڇوٽ حاصل آهي. ان ڏينهن جي ڌمچر مچائڻ، گوڙشور ڪرڻ کان بعض اوقات اهي به پريشان ٿي ويندا آهن ۽ ان جي خلاف بعض اوقات ڪٿي ڪٿي دٻيل احتجاج جي صداء به بلند ٿيندي رهندي آهي۔ پر وڏي ڏُک ۽ افسوس جي ڳالھ هي آهي ته هن ڏينهن کي غير مسلمن جيان بي حيائي سان ملهائڻ وارا گھڻا مسلمان به الله پاڪ ۽ ان جي رسولِ ڪريم صَلَّى اللّٰه تَعَالٰى عَلَيه ِوَاٰلِهٖ وَسَلَّمَ جي عطا ڪيل پاڪيزه احڪامن کي نظر انداز ڪندي کُلم کلا گناهن جو اِرتڪاب ڪري نه صرف