ته ان کي غمي ۽ جنازي سان تشبيهه ڏيندا آهن۔ اهو خيال ناهن ڪندا ته هڪ ته اهو گناھ ۽ شريعت جي مخالفت آهي ٻيو مال ضايع ڪرڻ ۽ ٽيون سڀ تماشائين جي گناھ جو اهو ئي سبب آهي ۽ سڄي ميڙ جيترو ان تي گناھ جو بار۔ آتش بازي ۾ ڪڏهن ڪپڙا سڙي ويندا آهن ڪڏهن ڪنهن جي گھر ۾ باھ لکي ويندي آهي ڪو سڙي ويندو آهي۔ مسلمان هئڻ جي حيثيت سان اسان تي لازم آهي ته پنهنجي هر ڪم کي شريعت جي مطابق ڪريون۔ الله پاڪ ۽ رسول الله صَلَّى اللهُ تَعَالٰى عَلَيْهِ وَاٰلِهٖ وَسَلَّم جي مخالفت کان بچون، انهيءَ ۾ ئي دين ۽ دنيا جي ڀلائي آهي۔ (بهارِ شريعت،۲/۱۰۶ملتقطاً)

صَلُّوْا عَلَي الْحَبِيب!                                                                                                صَلَّي اللّٰه تَعَالٰي عَلٰي مُحَمَّد

8مَدَني ڪمن مان هڪ مَدَني ڪم ’’گهر دَرس‘‘

پياريون پياريون اسلامي ڀينرون!شادي وهانء ۽ ٻين خوشي غمي جي تقريبات جي موقعن تي شريعت جي پيروي جو ذهن ماڻڻ ۽ دين ۽ دنيا جي ڪاميابي ۽ ڀلائي جي لاءِ عاشقانِ رسول جي مَدَني تحريڪ دعوتِ اسلامي جي مَدَني ماحول سان وابسته رهو ۽ ذيلي حلقي جي 8 مدني ڪمن ۾ حصّو وٺي پنهنجي علائقي ۾ سنتن جون ڌومون مچايو۔ ذيلي حلقي جي8  مدني ڪمن مان هڪ مدني ڪم گهر درس به آهي توهان سڀني اسلامي ڀينرن کي گزارش آهي ته گهر ۾ مدني ماحول بڻائڻ جي لاءِ روزانو گهٽ ۾ گهٽ هڪ ڀيرو فيضان سنت جو درس ڏيڻ يا ٻڌڻ  جي ترڪيب ضرور بڻايو (جنهن ۾ نا محرم نه هجن ) امير اهلسنت دامت برڪاتهم العاليه  جي تخريج شده رسالن مان به درس ڏئي سگهجي ٿو(دورانيو 7 منٽ آهي) اَلْـحَمْـدُ لـِلّٰـه عَزَّوَجَلَّ عَزَّوَجَلَّ گهر درس ۾ به علم دين جا موتي لٽائي سگهجن ٿا ۽ علم دين سکڻ جي ته ڇا ئي ڳالهه آهي  ته حضرت سيدنا ابو هريره رَضِىَ اللهُ تَعَالٰی عَـنْهُ کان روايت آهي ته حضور صَلَّى اللهُ تَعَالٰى عَلَيْهِ وَاٰلِهٖ وَسَلَّم جن فرمايو ته جيڪو به الله عَزَّوَجَلَّ جي فرضن جي متعلق هڪ يا ٻه يا ٽي يا چار يا پنج ڪلما سکي ۽ ان کي سٺي نموني ياد ڪري ۽ پوءِ ماڻهن کي سيکاري ته هو جنت ۾ ضرور داخل ٿيندو حضرت سيدنا ابو هريره رَضِىَ اللهُ تَعَالٰی عَـنْهُ فرمائن ٿا مان رسول الله کان هي ڳالهه ٻڌڻ کان پوءِ ڪابه حديث نه ڀليس (الترغيب والترهيب ڪتاب العلم  الترغيب في العلم الخ  رقم 20 ج 1 ص54)

ته پوءِ اوهان به گهر ۾ درس ڏيڻ جي نيت ڪريو اچو ترغيب جي لاءِ هڪ مدني بهار ٻڌون ٿيون

گهر درس شروع ڪري ڏنو

عطار والا (بوريوالا ضلع وهاڙي، پنجاب) جي هڪ اسلامي ڀيڻ جهالت جي اندهيري ۾ ٻڏل هئي شرعي پردي جو به ڪو ذهن نه هو خوش قسمتي سان ڪنهن ان کي شيخ طريقت امير اهلسنت باني دعوت اسلامي حضرت علاما مولانا ابو بلال محمد الياس عطّار قادري رضوي دامت برڪاتهم العاليه جي زماني جي مشهور تاليف ”فيضان سنت“ تحفي طور پيش ڪئي ان جو چونڊ چونڊ مطالعو ڪرڻ سان ان کي اندازو ٿي ويو ته هي نهايت دل چسب ۽ معلوماتي ڪتاب آهي  ان کان پوءِ هن جو روزانو معمول بڻجي ويو ته فيضان سنت جي ڪجهه نه ڪجهه صفحن جو مطالعو ڪندي بلڪ پنهنجي ڏاڏي سائين کي به