یہ شان ہے خدمت گاروں کی، سردار کا عالَم کیا ہو گا

 صَلُّوْا عَلَي الْحَبِيب!                                                                                              صَلَّي اللّٰه تَعَالٰي عَلٰي مُحَمَّد

پياريون پياريون اسلامي ڀينرون!ٻڌو اوهان! ڪائنات جي وجود ۾ اسلامي تعليمات جو نور پکيڙجڻ کان اڳ ۾ ڪهڙين ڪهڙين عجيب ۽ غريب، دردناڪ ۽ غير شرعي رسمن ۽ خرابين مُعاشري کي پنهنجي وڪڙ ۾ ورتو هو، مثال طور جڏهن درياء نيل سڪڻ لڳندو هو ته مصر جا ماڻهو هر سال هڪ نوجوان ڇوڪريءَ کي زيورات سان سينگاري ان کي دريا جي نالي قربان ڪندا هئا يعني دريا ۾ لوڙهيندا هئا ۽ اهو باطل نظريو قائم ڪري ورتو هو جو جيڪڏهن ائين نه ڪيو ويو ته درياءِ نيل سڪي (Dry) ويندو، پر قربان ٿجي! نگاھ نُبُوّت سان فيض ماڻيندڙ، بارگاھ رِسالت مان تعليم ۽ تربِيت حاصل ڪندڙ اَميرُالمُومنين حضرت سيدُنا عمر بن خطاب رَضِىَ اللهُ تَعَالٰی عَنْه تي! جن جي ڪري سالن کان جاري ان جاهليت ڀري ۽ شرمناڪ رَسم جو هميشه جي لاءِ خاتمو ٿي ويو۔

صَلُّوْا عَلَي الْحَبِيب!                                                                                                صَلَّي اللّٰه تَعَالٰي عَلٰي مُحَمَّد

پياريون پياريون اسلامي ڀينرون! جھڙي طرح مصر وارن ۾ درياءِ نيل کي جاري رکڻ جي لاءِ بُري غير شرعي رسم جاري هئي، اهڙي طرح هن دؤر ۾ به کوڙ غَلَط قسم جا اِعتقادات (عقيدا)، تَوَھُّمات (وهم)، ناجائز رسمن ۽ غير شرعي تهوارن (Non Sharee Festivals) جي تباھ ڪارين معاشري کي شريعت ۽ سُنّت کان پري ڪري تباهي جي ويجھو بيهاري ڇڏيو آهي۔

اچو! ڪجھ ناجائز رسمن ۽ تهوارن جي باري ۾ ٻڌون ٿيون، جيئن

صفر المظفر جي مهيني جي بابت پکڙيل بي بنياد خيال

دعوتِ اسلامي جي اشاعتي اداري مڪتبة المدينه جي ڪتاب”بدشگوني“ ۾ آهي ته نحوست جي وهمي تصوّرن ۾ مبتلا ماڻهو صفر واري مهيني کي مصيبتن ۽ آفتن جي نازل ٿيڻ جو مهينو سمجهندا آهن خاص ڪري ان جون ابتدائي تيرهن (13) تاريخون، جنهن کي ”تیرہ تیزی“ چيو ويندو آهي، تمام گھڻيون منحوس سمجھيون وينديون آهن۔ وهمي ماڻهن جو اهو خيال هوندو آهي ته صفر جي مهيني ۾ نئون ڪاروبار شروع نه ڪرڻ گھرجي، نقصان جو خطرو آهي، سفر ڪرڻ کان بچڻ گھرجي ايڪسيڊنٽ جو انديشو آهي، شاديون نه ڪريو، ڌيئرون نه اٿاريو، گھر برباد ٿيڻ جو امڪان آهي۔ اهڙا ماڻهو وڏو ڪاروباري لين دين (ڏيڻ وٺڻ) ناهن ڪندا، گھر کان ٻاهر اچ وڃ ۾ گھٽتائي ڪري ڇڏيندا آهن، ان گمان مطابق ته آفتون نازل ٿينديون آهن، پنهنجي گھر ۾ هڪ هڪ ٿانوَ ۽ سامان کي خوب ڇنڊيندا آهن، اهڙي طرح جيڪڏهن ان مهيني ۾ ڪنهن گھر جو ڪو ڀاتي مري وڃي ته ان کي منحوس سمجھندا آهن ۽ جيڪڏهن ان گھراڻي ۾ پنهنجي ڇوڪري يا ڇوڪريءَ جي شادي جي تاريخ طئي ٿي ته ان کي ٽوڙي ڇڏيندا آهن۔ تيره تيزي نالي سان اڇن چڻن (ڪابلي چڻن) جو لنگر به ڪيو ويندو آهي۔ نياز فاتحه ڪرڻ مستحب ۽ ثواب جو ڪم آهي ۽ هر قسم جي حلال کاڌي تي هر مهيني جي هر تاريخ تي ڏياري سگهجي ٿو پر هي سمجھڻ ته جيڪڏهن تيره تيزي تي