ترجَمۂ کنز العرفان:اور جو اپنے رب کے حضور کھڑے ہونے سے ڈرے اس کے لیے دو جنتیں  ہیں ۔

اس(باعمل)نوجوان نے قبر کے اندر سے دو (2)مرتبہ جواب دیا:یا امیر َالمؤمنین! میرے رَ بِّ کریم  نے مجھےوہ دو جنّتیں عطا فرمادی  ہیں۔^([1])

سُبْحٰنَ اللہ! آپ نے سنا کہ اس نوجوان نے اپنی ساری زِنْدگی گُناہوں سے بچتےہوئے   نیکیوں میں گزاری تومرنے کے بعد یہ عبادت،اس کی بخشش ومَغْفرت  کا سبب بنی اور جنَّت کی اَعْلیٰ  نعمتیں بھی نصیب ہوئیں۔یادرکھئے! یہ  خوبصورتی و جوانی ختم ہونے والی دولت ہے اور اس پر غُرور و تَکَبُّر کرنا بیوقوفی و نادانی ہے۔

صَلُّوْا عَلَی الْحَبِیْب!                                   صَلَّی اللّٰہُ تَعَالٰی عَلٰی مُحَمَّد

میٹھی میٹھی اسلامی بہنو! تندرستی وجَوانی پر اِتْرانے اور دن رات گُناہوں میں ضائع کرنےکے بجائے اِخْلاص واِسْتقامت کے ساتھ ذَوقِ عبادت اور شوقِ تلاوت کا معمول بنائے رکھئے ،ایسے میں اگر بُڑھاپا آگیا اورعبادت کی لگن  بھی باقی رہی تو صِحَّت وہِمَّت  نہ ہونے کے باوُجُود اِنْ شَآءَ اللہ اِس حالت میں بھی جَوانی کی عبادتوں جیسا ثواب ملتا رہے گا۔ چُنانچہ

 حضرت سیِّدُنا اَنَس بن مالِک رَضِیَ اللّٰہُ تَعَالٰی عَنْہُ    فرماتے ہیں:’’جب بندہ (حالتِ اِسلام میں نیکیاں کرتے ہوئے ) عُمْر کے اُس حصے میں پَہُنْچ جائے کہ اُسے کسی چیز کے مُتَعَلِّق(پہلے سے) علم ہونے کے باوُجُود (بوقتِ ضرورت) وہ چیز یاد نہ رہے، تو اللہ کریم اُس کے نامۂ اَعمال میں وہ نیکیاں بھی لکھتا رہتا ہے، جو وہ اپنی صحّت کے زمانے میں کیا کرتا تھا۔^([2]) حکیم ُالا ُمَّت حضرت مفتی احمد یارخان نعیمیرَحْمَۃُ اللّٰہ ِتَعَالٰی عَلَیْہ فرماتے ہیں :’’جو بُوڑھا آدمی بُڑھاپے کی وجہ سے زِیادہ عبادت نہ کرسکے، مگر جوانی میں بڑی(خُوب) عبادتیں کرتا رہا ہو تو اللہ پاک  اُسے مَعْذور قَرار دے کر اُس کے نامۂ اَعمال میں وُہی جوانی کی عبادت لکھتا ہے۔^([3])

صَلُّوْا عَلَی الْحَبِیْب!                                   صَلَّی اللّٰہُ تَعَالٰی عَلٰی مُحَمَّد

8 مَدَنی کاموں میں  سے ایک  مَدَنی کام ’’مدنی انعامات‘‘

          میٹھی میٹھی اسلامی بہنو! جوانی میں عبادت کا جذبہ بڑھانے اور نفس و شیطان کی چالوں سے ہوشیار رہنے کے لئےعاشِقانِ رَسول کی مَدَنی تحریک دعوتِ اسلامی کے  مَدَنی ماحول سے وابستہ رہ کر ذیلی حلقے کے 8 مدنی کاموں میں