علائقن، شهرن، ڳوٺن ۾ هن مَدَني انعامات کي عام ڪن ۽ هر مسلمان پنهنجي قَبر ۽ آخِرت جي بهتري جي لاءِ هن کي اِخلاص سان اپنائي  اللہ  عَزَّ وَجَلَّ جي فضل ۽ ڪرم سان جَنّتُ الفردوس ۾ پنهنجي مَدَني حبيب صَلَّى اللهُ تَعَالٰى عَلَيْهِ وَاٰلِهٖ وَسَلَّمَ جو پاڙيسري بڻجڻ جو عظيم ترين انعام ماڻي وٺي۔ اچو! اسان به نيڪي جي ڪمن۾ وڌي ڪري حصو وٺون ۽ مدني انعام تي نه صرف پاڻ عمل ڪيون بلڪ ٻين اسلامي ڀينرن کي به هن جي ترغيب ڏياري کوڙ ثواب ڪمايون!

 صَلُّوْا عَلَي الْحَبِيب!                                                                                  صَلَّي اللّٰه تَعَالٰي عَلٰي مُحَمَّد

پياريون پياريون اسلامي ڀينرون! بَيان کي اِختِتام ڏانهن آڻيندي سُنّت جي فضيلت، ڪجھ سُنّتون ۽ آداب بَيان ڪرڻ جي سَعادَت حاصِل ڪيان ٿي۔ تاجدارِرسالت، شَهنشاھ نُبُوت صَلَّى اللهُ تَعَالٰى عَلَيۡهِ وَاٰلِهٖ وَسَلَّمَ جو فرمانِ جنّت نشان آهي: جنهن منهنجي سُنّت سان مَحَبَّت ڪئي ان مون سان مَحَبَّت ڪئي ۽ جنهن مون سان مَحَبَّت ڪئي اهو جنّت ۾ مون سان گڏ هوندو۔ (مشکاۃ الصابیح، کتاب الایمان، باب الاعتصام بالکتاب والسنۃ، الفصل الثانی،۱ /۵۵، حدیث :۱۷۵)

صَلُّوْا عَلَي الْحَبِيب!                                                                                      صَلَّي اللّٰه تَعَالٰي عَلٰي مُحَمَّد

کاڌي کائڻ جون سنتون ۽ آداب

پياريون پياريون اسلامي ڀينرون! اچو! مڪتبة المدينه جي ڪتاب ”سنتيں اور آداب“ مان کاڌو کائڻ جون سنتون ۽ آداب ٻڌون ٿيون ٭ کاڌي کان پهريان پنهنجا هٿ ڪاراين تائين ڌوئو، نور جي پيڪر، سڀني نبين جي سَروَر، ٻنهي جهانن جي تاجوَر، سلطان بحر و بَر صَلَّى اللهُ تَعَالٰى عَلَيۡهِ وَاٰلِهٖ وَسَلَّمَ جن ارشاد فرمايو؛ ”جيڪو اهو پسند ڪري ته  اللہ  تعاليٰ ان جي گهر ۾ بَرَڪت وڌائي ته ان کي گھرجي ته جڏهن کاڌو حاضر ڪيو وڃي ته وضو ڪري ۽ جڏهن کنيو وڃي تڏهن به وضو ڪري۔“ (سنن ابن ماجه، حديث 3260، ج 4 ص 9) حڪيم الامت مفتي احمد يار خان نعيمي رَحْمَةُ اللّٰهِ تَعَالٰي عَلَيۡه لکن ٿا؛ هن (يعني کاڌي جي وضو) جي معنيٰ