نَاصِرُ الحَدِيث، اَمِيرُالمُؤمِنِين فِي الحَدِيث حضرت سَيدُنا ابو عَبدُ اللہ  محمد بن اسماعيل بخاري رَحْمَةُ اللهِ تَعَالٰی عَلَيْه جي حافظي جي قوت بيان ڪرڻ جي لاءِ اها ڳالھ ئي ڪافي آهي ته جنهن ڪتاب کي پاڻ هڪ نظر ڏسندا هئا، اهو انهن کي حفظ ٿي ويندو هو، علم پارائڻ جي ابتدائي دور۾سندن کي 70 هزار حديث سڳوريون حفظ (يعني زباني ياد) هيون۽بعد ۾ وڃي اهو عدد 3 لک تائين پهچي ويو،جن مان هڪ لک حديثون صحيح ۽ ٻه لک غير صحيح هيون، هڪ ڀيري”بلخ“ نالي شهر ويا

ته اتي جي ماڻهن فرمائش ڪئي، اوهان پنهنجي شُيوخ کان هڪ هڪ روايت بيان ڪريو ته پاڻ هڪ هزار شُيوخ کان هڪ هزاراحاديث زباني بيان ڪيون۔               

                                                        (ارشاد الساري،ترجمۃ الامام بخاري ،۱/ ۵۹ملتقطاً)

صَلُّوْا عَلَي الْحَبِيب!                                                         صَلَّي اللّٰه تَعَالٰي عَلٰي مُحَمَّد

پياريون پياريون اسلامي ڀينرون! اُمّتِ محبوب جي خُصوصيتن مان هڪ بهترين خُصوصيت هي به آهي ته بروزِ قيامت جڏهن اڳوڻيون اُمّتون پنهنجي نبين کي جهٽلائنديون ته  اللہ  ڪريم اُمتِ مُصطفيٰ کي اهو شرف عطا فرمائيندو ته ان ڏينهن اها امت انبياءِ ڪرام جي حق ۾ شاهدي ڏيندي، جيئن ته

نبين جي باري ۾ اُمتِ محبوب جي شاهدي

نبي ڪريم، رؤف و رحيم، محبوبِ ربِّ عظيم صَلَّى اللهُ تَعَالٰى عَلَيۡهِ وَاٰلِهٖ وَسَلَّمَ جن ارشاد فرمايو: بيشڪ  اللہ  عَزَّوَجَلَّ قيامت جي ڏينهن سڀ کان پهريان حضرت نوح عَلَيه الصَّلٰوةُ وَالسَّلَام ۽ سندن امت کي سڏيندو ۽ فرمائيندو: توهان نوح کي ڪهڙو جواب ڏنو هو؟ اهي چوندا: انهن نه اسان کي ڪڏهن دعوت ڏني، نه تنهنجو ڪو حڪم پهچايو، نه ڪڏهن نصيحت ڪئي ۽ نه اسان کي ڪنهن شيء جو حڪم ڏنو ۽ نه منع ڪيو، حضرت سَيدُنا نوح عَلَيۡهِ السَّلَام عرض ڪندا: اي منهنجا ڪريم ربّ! مون انهن کي اهڙي دعوت ڏني جيڪا اوّلين ۽ آخرين سڀني کي ملي هئي،  اللہ  ڪريم ملائڪن کي فرمائيندو: احمد (صَلَّى اللهُ تَعَالٰى عَلَيۡهِ وَاٰلِهٖ وَسَلَّمَ) ۽ سندن امت کي سڏيو، ته رسول  اللہ  صَلَّى اللهُ تَعَالٰى عَلَيۡهِ وَاٰلِهٖ وَسَلَّمَ ۽ سندن امت ان شان سان حاضر ٿيندا جو انهن جو نُور انهن جي اڳيان اڳيان هوندو۔ حضرت سَيدُنا نوح عَلَيۡهِ السَّلَام، پاڻ سڳورن صَلَّى اللهُ تَعَالٰى عَلَيۡهِ وَاٰلِهٖ وَسَلَّمَ ۽ سندن اُمَّت کي چوندا: ڇا توهان ڄاڻو ٿا ته مون پنهنجي