Book Name:Huzur-e-Pak Ki Ummat Ki Khasusiyaat
میں فخر محسوس کرتی ہے،حقوق اللہ وحقوق العباد کی ادائیگی کی اہمیت سے غافل ہو چکی ہے، سُود،جوا،شراب نوشی،رشوت،بدکاری،حرص ولالچ،قتل و غارت گری اورقطعِ رِحمی کی آفت میں مبتلا ہے،جبکہ جھوٹ،غیبت،حسد،تکبر،وعدہ خلافی،ظلم،عیب جوئی،فحاشی،والدین کی نافرمانی،چوری،ڈاکہ زَنِی،بےحیائی اور بے پردگی جیسی کئی تباہ کُن بُرائیوں کا شکار ہے۔الامان والحفیظ
| وہی اُمّت خطاؤں میں پڑی ہے رات میں جن کے |
| لئے رویا کئے مانند شبنم یا رسول اللہ |
(وسائل بخشش مرمم،ص۳۳۹)
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد
میٹھی میٹھی اسلامی بہنو! ہمیں چاہئے کہ ہم اپنے آپ کوبیان کردہ برائیوں سے بچائیں،سنتیں اپنائیں،علم دین حاصل کرکے دوسروں تک پہنچائیں ،اگر آپ بھی اپنا ظاہر وباطن نیک کرنا چاہتی ہیں تو آئیے!عشقِ رسول کا جام پینے،کامل اُمّتی بننے،اپنے ظاہر و باطن کو سنتوں کے سانچے میں ڈھالنے اور گناہوں سے پیچھا چھڑانے کے لئے عاشقانِ رسول کی مَدَنی تحریک دعوتِ اسلامی کے مَدَنی ماحول سے وابستہ ہوجائیے اورنیکی کی دعوت کی دھومیں مچانے میں دعوتِ اسلامی کا ساتھ دیجئے۔اَلْحَمْدُ لِلّٰہ عَزَّ وَجَلَّ دعوتِ اسلامی دنیا بھر میں کم و بیش 104 شعبہ جات میں دینِ مَتِیْن کی خدمت میں مصروفِ عمل ہے،ان شعبہ جات میں سے ایک مجلس مدنی انعامات بھی ہے۔شیخِ طریقت،امیرِاہلسنَّت دَامَتْ بَـرَکاتُہُمُ الْعَالِیَہ کی خواہش کے مُطابق اسلامی بھائیوں، اسلامی بہنوں اورجامعاتُ المدینہ و مَدارِسُ المدینہ کے طلبہ و طالبات کو باعمل بنانے اور مَدَنی اِنعامات پرعمل کی ترغیب دِلانےکیلئے مجلس مدنی انعامات کا قیام عمل میں لایا۔امیراہلسُنَّت دَامَتْ بَـرَکاتُہُمُ الْعَالِیَہ فرماتےہیں:کاش !دیگر فرائض وسُنَن کی بجاآوَری کے ساتھ ساتھ تمام اسلامی بھائی اور اسلامی بہنیں ان مَدَنی انعامات کو بھی اپنی زندگی کا دستورُالعَمَل بنا لیں اورتمام ذمّہ دارانِ دعوتِ اسلامی بھی اپنے حَلْقے میں ان(مَدَنی انعامات کے رسائل)کو عام کردیں اور ہرمسلمان اپنی قَبْروآخِرت کی بہتری کیلئے ان مَدَنی اِنعامات کواِخلاص کے ساتھ اپنا کر اللہ پاک کے فضل وکرم سے جَنّتُ الْفردوس میں مَدَنی حبیب صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کاپڑوسی بننے کا عظیم ترین انعام پا لے۔آئیے! ہم بھی نِیَّت کریں کہ نیکی کےاس کام میں بڑھ چڑھ کرحصہ لیں گی اور نہ صرف خودعمل کریں گی بلکہ دوسری اسلامی بہنوں کو بھی اس کی ترغیب دلائیں گی ۔
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد
میٹھی میٹھی اسلامی بہنو! بَیان کو اِخْتِتام کی طرف لاتے ہوئے سُنّت کی فضیلت،چند سُنّتیں اور آداب