پياريون پياريون اسلامي ڀينرون! تبرڪ مان مراد (انبياءِ ڪرام عَلَيهمُ السَّلَام، صحابَه ڪرام عَلَيهمُ الرِّضْوَان) بزرگانِ دين جون اهي شيون جيڪي برڪت طور تي رکيون وڃن۔ (تبرڪات ڪا ثبوت،ص۲ بتغير) پياري پياري آقا، مديني واري مصطفيٰ صَلَّى اللهُ تَعَالٰى عَلَيۡهِ وَاٰلِهٖ وَسَلَّمَ جي جسم سان مَسّ (Touch) ٿيندڙ ۽ نسبت رکڻ واري هر هر شيء به مُتَبَرَّڪ آهي، اهڙي طرح صحابَه ڪرام ۽ بزرگانِ دين رِضْوَانُ الله تَعَالٰي عَلَيهمْ اَجْمَعِين جي مبارڪ جسمن سان مس ٿيندڙ (۽ نسبت رکڻ واري) هر شيء به مُتَبَرَّڪ آهي۔ (تبرڪات ڪا ثبوت،ص۳،۴ ملتقطاً) ان ڪري اسان کي هر ان شيء جو ادب ۽ احترام ڪرڻ گھرجي جنهن کي بزرگن سان نسبت ٿي وڃي۔ انهن جا وار مبارڪ، قميص، جبو، دستار، پيالو مطلب ته! انهن سان نسبت رکڻ وارو ڪو ڪک هجي يا لباس جو ڌاڳو هجي ان جو ادب ۽ احترام ڪرڻ سان به اِنْ شَــآءَالـلّٰـه عَزَّوَجَلَّ برڪتون نصيب ٿينديون۔

فيض ماڻڻ جي لاءِ ڪامل اعتماد شرط آهي

      تبرڪات مان فيض ماڻڻ جي لاءِ اِعتِقاد پڪو هئڻ گھرجي، ڪچو يقين نه هجي، مثال طور هي سوچڻ ته وار مبارڪ سان برڪتون ملنديون آهن يا نه۔ زَم زَم پيئڻ سان بيماريون ختم ٿينديون آهن يا نه، تعويذات سان مشڪلاتون حل ٿين ٿيون يا نه، دَم دُرُود سان فائدو ٿيندو آهي يا نه وغيره۔ ان طرح جي ڪچي ۽ مشڪوڪ خيالن سان فائدو ناهي ٿيندو۔ يقين جيترو پڪو هوندو، الله پاڪ جي رحمت مان اميد آهي فيض به ايتري قدر وڌيڪ ملندو ڇو ته فيض ماڻڻ جي لاءِ پختو اعتقاد هئڻ شرط آهي۔

      البت ياد رهي! وظيفه وغيره رضائي الاهي جي لاءِ ڪيا وڃن، نه ئي ڪم ٺاهڻ جي لاءِ، جنهن صرف پنهنجي غرض جي لاءِ ئي وظيفه ڪيا ته ان کي ثواب نه ملندو. هئڻ ائين گهرجي ته وظيفه الله پاڪ جي رضا جي لاءِ ڪري ۽ ان جي وسيلي سان الله پاڪ کان پنهنجي ڪم ٿي وڃڻ جي دعا ڪري.

صَلُّو ْا عَلَي الْحَبِيب!                                                                                               صَلَّي الله تَعَالٰي عَلٰي مُحَمَّد

پياريون پياريون اسلامي ڀينرون!تبرڪات مان برڪتون ملن ٿيون، مشڪلاتون ختم ٿين ٿيون ۽ مصيبتون پري ٿين ٿيون اهو عقيدو رکڻ اڄ جي نئين ڳالھ نه آهي، ڇوته قرآنِ پاڪ جي ڪيئي آيتن ۾ تبرڪات جي اهميت ۽ اڳوڻين امتن جي تبرڪات مان