اِذْهَبُوْا بِقَمِیْصِیْ هٰذَا فَاَلْقُوْهُ عَلٰى وَجْهِ اَبِیْ یَاْتِ بَصِیْرًاۚ-وَ اْتُوْنِیْ بِاَهْلِكُمْ اَجْمَعِیْنَ۠(۹۳)    (پ 13، يوسف 93)

ترجموڪنزالايمان: منهنجي هي قميص کڻي وڃو ان کي منهنجي پيءُ جي منهن تي وجھو ته ان جون اکيون نور واريون ٿي وينديون .

جڏهن حضرت يوسف عَلَيه السَّلَام جي ڀائرن اهو ڪرتو حضرت يعقوب عَلَيه السَّلَام جي چهري تي وڌائون ته ڇا ٿيو، ان کي ڪجھ آيتن کان بعد هن طرح بيان ڪيو ويو آهي:

فَلَمَّاۤ اَنْ جَآءَ الْبَشِیْرُ اَلْقٰىهُ عَلٰى وَجْهِهٖ فَارْتَدَّ بَصِیْرًاۚ        (پ 13، يوسف 96)

ترجموڪنزالايمان: پوءِ جڏهن خوشخبري ٻڌائيندڙ آيو ان اها قميص يعقوب جي منهن تي رکي ان وقت سندس اکيون ٿي ويون۔

تفسيرِ صراط الجنان ۾ آهي: جمهور مفسّر فرمائن ٿا ته خوشخبري ٻڌائڻ وارو حضرت يوسف عَلَيه السَّلَام جو ڀاءُ يهودا هيو. يهودا چيو ته حضرت يعقوب عَلَيه السَّلَام وٽ رت سان ڀريل قميص به مان ئي کڻي ويو هئس، مون ئي چيو هو ته حضرت يوسف عَلَيه السَّلَام کي بگهڙ کائي ويو آهي، مون ئي انهن کي غمگين ڪيو هو، ان ڪري اڄ ڪرتو به مان ئي کڻي ويندس ۽ حضرت يوسف عَلَيه السَّلَام جي زندگي جي خبر به مان ئي ٻڌائيندس. ته پوءِ يهودا ڪرتو کڻي 80 فرسنگ (يعني 240 ميل) ڊوڙندي آيا. يهودا جڏهن حضرت يوسف عَلَيه السَّلَام جي قميص حضرت يعقوب عَلَيه السَّلَام جي چهري تي وڌي ته انهيء وقت انهن جون اکيون درست ٿي ويون ۽ ڪمزوري کان پوءِ طاقت ۽ ڏک کان پوءِ خوشي موٽي آئي، پوءِ حضرت يعقوب عَلَيه السَّلَام فرمايو مون توهان کي نه چيو هو ته مان الله پاڪ جي طرف کان اها ڳالهه ڄاڻيان ٿو جيڪا توهان نه ٿا ڄاڻو جو حضرت يوسف عَلَيه السَّلَام زندهه آهن ۽ الله پاڪ اسان کي پاڻ ۾ ملائي ڇڏيندو. ( تفسیرکبیر، یوسف، تحت الآیۃ: ۹۶، ۶ / ۵۰۸، جمل مع جلالین، یوسف، تحت الآیۃ: ۹۶، ۴ / ۸۰، ملتقطاً)(صراط الجنان،۵ / ۵۴ملخصاً)

پياريون پياريون اسلامي ڀينرون!غور ڪريو! حضرت سيدنا يوسف عَلَيه السَّلَامخود نبي آهن، پاڻ هڪ ٻي نبي، پنهنجي والد حضرت سيدنا يعقوب عَلَيه السَّلَام جي اکين جي مرض جي لاءِ بطور تبرڪ پنهنجو ڪرتو موڪلي رهيا آهن، ۽ جڏهن ان ڪرتي کي ان جي