اُمّت کے لئے صحابہرَضِیَ اللہُ تَعَالٰی عَنْہُم کی اِقْتداء میں ہی اِھْتِداء یعنی ہدایت ہے۔     ^([1])

اَہلِ سُنَّت کا ہے بیڑا پار،   اَصحابِِ حُضور

نجم ہیں اور ناؤ ہے عِترت رَسُوْلُ اللہ کی

  (حدائقِ بخشش)  

صَلُّوْا عَلَی الْحَبِیْب!                                        صَلَّی اللّٰہُ تَعَالٰی عَلٰی مُحَمَّد

12 مدنی کاموں میں سے ایک کام ”بعدِ فجر مدنی حلقہ“                                 

میٹھے میٹھے اسلامی بھائیو! اپنے دلوں میں صحابۂ کرام عَلَیْہِمُ الرِّضْوَان  کی  سچی محبت بٹھانے اور ان مبارک ہستیوں کی شان و عظمت پہچاننے کیلئے عاشقانِ رسول کی مدنی تحریک دعوتِ اسلامی کے مدنی ماحول سے وابستہ ہوکرنیکی کی دعوت عام کیجئے اور12مَدَنی  کاموں میں  عملی  طور پر حصہ لیجئے۔   12 مدنی کاموں میں سے ایک مدنی کام” بعدِفجر مَدَنی حَلْقہ “بھی ہے۔    جس میں 3 آیاتِ قرآنی کی تلاوت مع تَرْجَمَۂ کنز الایمان وتفسیر خزائنُ العرفان/تفسیر نورُالْعرفان/تفسیر صِراطُ الجنان،   درسِ فیضانِ سُنَّت   (4صفحات)  اور شَجْرہ قادِریہ،   رَضَویہ،    ضیائیہ،   عطاریہ پڑھا جاتا ہے۔   ٭ بعدِ فجر مدنی حلقے کی برکت سے مسجدآبادرہتی ہے،   ٭ تلاوتِ قرآن سُننے کا موقع ملتا ہے،   ٭ مختلف موضوعات پرعلمِ دِین کے رنگ برنگے مدنی پھول چُننےکو ملتے ہیں،   ٭ قرآنِ کریم پڑھنے پڑھانے  اور سمجھنے سمجھانے  کے متعلق سرکار صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے فرمایا: خَیْـرُکُمْ مَنْ تَعَلَّمَ الْـقُراٰنَ وَعَلَّمَهُیعنی تم میں بہترین شَخْص وہ ہے جس نے قُرآن سِیکھا اور دُوسروں کو سِکھایا۔     (بخاری،   کتاب فضائل القرآن،   باب خیرکم من تعلم…الخ،    ۳/۴۱۰،   حدیث: ۵۰۲۷)  آئیے! بطور ترغیب بعدِ فجر  مدنی حلقے کی ایک مدنی بہار سنتے ہیں،   چنانچہ

مدنی بہار