سب سے پہلے جنَّت مىں داخل ہونے والے ہىں اور بِلال،    اَہلِ حَبْشہ مىں سے سب سے پہلے جنت مىں داخل ہونے والے ہىں  (رَضِیَ اللّٰہُ تَعَالٰی عَنْہُم اَجْمَعِیْن)  ۔     (کنزالعمال،   ج۷ ص:  ۳۴۴،   حدیث: ۳۳۶۷۲)   مىرے سب صحابہ  (رَضِیَ اللّٰہُ تَعَالٰی عَنْہُم اَجْمَعِیْن)  مىرے نزدىک عزت داراور محبوب ہىں،    اگرچہ وہ حبشى غُلام ہو۔         (کنزالعمال،   ج۷ ص:  ۳۴۵،   حدیث: ۳۳۶۷۴)

ہدایت کے چشم و چراغ

                 میٹھے میٹھے اسلامی بھائیو! آپ نےسُناکہ! مَولائے کُل،    فَخرِ رُسُل صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے صحابۂ کرام  عَلَیْہِمُ الرِّضْوَان کی کیسی شان وعظمت بیان فرمائی اور خُودآپ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی چاہت یہ ہے کہ میری اُمَّت میرے صحابہ  (رَضِیَ اللّٰہُ تَعَالٰی عَنْہُم اَجْمَعِیْن)  کی خُوب خُوب تعظیم وتَوقیر کرے ۔   لہٰذا ہمیں بھی تمام صحابَۂ کرام عَلَیْھِمُ الرِّضْوان سے سچی مَحَبَّت رکھنی چاہیے اور ان کی سیرت و کردار پر عمل کرتے ہوئے،    اپنی زِندگی بَسر کرنی چاہئے،    کیونکہ یہی راہِ ہدایت کے وہ روشن   سِتارے ہیں ،   جن کے بارے میں مَدینے کے سلطان،   رَحْمتِ عالمیان صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے ارشاد فرمایا: ”اَصْحَابِي كَالنُّجُومِ فَبِاَ يِّہِمْ اِقْتَدَيْتُمْ اِهْتَدَيْتُمْ  ^([1])   یعنی میرے صحابہ  (رِضْوَانُ اللہِ تَعَالٰی عَلَیْہِم اَجْمَعِیْن)   سِتاروں کی مانند ہیں،    تم اِن میں سے جس کی بھی اِقْتدا کروگے ہدایت پاجاؤ گے۔   “

حکیم الاُمَّت مفتی اَحمد یارخان رَحْمَۃُ اللّٰہ ِتَعَالٰی عَلَیْہ اس حدیث کی شرح میں فرماتے ہیں:  سُبْحٰنَ اللہ!  کیسی نَفیس تشبیہ ہے،   حضور صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے اپنے صحابہرَضِیَ اللہُ تَعَالٰی عَنْہُم کو ہدایت کے تارے فرمایا اور دُوسری حدیث میں اپنے اَہل ِبیترَضِیَ اللہُ تَعَالٰی عَنْہُم کو کَشْتیِ نُوح فرمایا،    سَمُندر کا مُسافر کَشْتی کا بھی حاجت مند ہوتا ہے اور تاروں کی رَہْبری کا بھی کہ جہاز ستاروں کی رَہْنمائی پر ہی سَمُندر میں چلتے ہیں۔   اِس طرح اُمّتِ مُسْلِمہ اپنی اِیمانی زِندگی میں اَہل ِبیتِ اَطہاررَضِیَ اللہُ تَعَالٰی عَنْہُم کے بھی مُحتاج ہیں اورصحابۂ  کِباررَضِیَ اللہُ تَعَالٰی عَنْہُم کے بھی حاجت مند،