خواہشکے مَرَض کانتیجہ تو نہیں،  لہٰذااَنبیائے کِرام عَلَیْہِمُ الصَّلٰوۃُ وَالسَّلَام ،صَحابہ کِرام وتابعینرَضِیَ اللہُ تَعَالٰی عَنْہُم اجمعین اور اولِیائے کِرام رَحْمَۃُ اللّٰہ ِتَعَالٰی عَلَیْہم اجمعین کے ناموں پر نام رکھنے چاہئیں،  جس کا ایک فائدہ تویہ ہوگا کہ بچے کا اپنے بزرگوں سے رُوحانی تَعَلُّق قائم ہوجائے گا اور دُوسرا ان  نیک ہستیوں کا نام رکھنے کی برکت سےاس کی زندگی پر مدنی اثرات بھی مرتب ہوں گے۔ ناموں کے حَوالے سے مزید دِلْچسپ اور حیرت انگیز مَعلُومات حاصِل کرنے کیلئےمکتبۃُ المدینۃ کی کتاب ’’نام رکھنے کے احکام‘‘ کامُطالَعہ کیجئے کہ اس  کتاب میں بچوں کے نام رکھنے کیلئے سینکڑوں اچھے ناموں کی فہرست  موجود ہے،  اس کے عِلاوہ بچوں کے نام رکھنے کےبارے میں کثیرمَدَنی پُھول جگہ بہ جگہ اپنی خُوشْبُوئیں مَہکا رَہے ہیں۔ دعوتِ اسلامی کی ويب سائٹ www.dawateislami.net سے اس کتاب کو پڑھابھی جا سکتا ہے،ڈاؤن لوڈ   ( Download ) اور پرنٹ آؤٹ  ( Print Out )  بھی کيا جا سکتا ہے۔

صَلُّوْا عَلَی الْحَبِیْب!                                        صَلَّی اللّٰہُ تَعَالٰی عَلٰی مُحَمَّد

حَسَنَیْنِ کَرِیْمَیْن کے فضائل احادیث کی روشنی میں:

میٹھے میٹھے اسلامی  بھائیو!نبیِّ کریم،  رؤف ٌ رَّحیم صَلَّی اللّٰہُ تَعَالٰی عَلَیْہِ واٰلہٖ وسلَّم نے مُختلف مَواقع پر ان حضرات کی ایسی شان وعَظَمَت بیان فرمائی ہے جسے سُن کر اِنْ شَآءَ اللہ ہمارے دل میں حَسَنَیْنِ کَرِیْمَیْنرَضِیَ اللّٰہُ تَعَالٰی عَنْہُما  کی مَحَبَّت بڑھے گی۔ آئیے!ان کی شَان وعظمت سے مُتَعلِّق چندفرامینِ مُصْطَفٰے صَلَّی اللہُ تَعَالٰی عَلَیْہِ وَاٰلِہٖ وَسَلَّم  سُنتے ہیں۔ چنانچہ

ارشاد فرمایا:مَنْ اَحَبَّ الْحَسَنَ وَالْحُسَیْنَ فَقَدْ اَحَبَّنِیْ وَمَنْ اَبْغَضَھُمَا فَقَدْ اَبْغَضَنِیْیعنی جس نے ان دونوں سےمَحَّبت کی اس نے مجھ سے مَحَّبت کی اور جس نے ان سے دشمنی کی اس نے مجھ سے دشمنی کی۔  ( ابن ماجہ،کتاب السنۃ،باب فی فضائل اصحاب رسول اللّٰہ،۱/۹۶،  حدیث:۱۴۳ )

ارشاد فرمایا: هُمَا رَيْحَانَتَايَ مِنَ الدُّنْيَا یعنی حَسَن وحُسَین ( رَضِیَ اللّٰہُ تَعَالٰی عَنْہُمَا  ) دُنیا میں میرے دو  ( 2 ) پُھول ہیں۔  (  بخاری،  کتاب فضائل اصحاب النبی،  باب مناقب الحسن والحسین،   الحدیث : ۳۷۵۳،  ج۲،  ص۵۴۷ )