ہردم دامن ِصبر و شکر تھامے رکھتے۔ (عطار کا پیارا، ص۴۰)

زباں پرشِکوہ رنج و اَلَم لایا نہیں کرتے                   نبی کے نام لیوا غم سے گھبرایا نہیں کرتے

(عطار کا پیارا، ص۴۰)

ایک رُکنِ شوریٰ کا بیان ہے کہ  دعوتِ اسلامی کی مرکزی مجلس ِشوریٰ میں شمولیت کے کچھ عرصے بعدمیرے بچوں کی امّی کے گلے میں کچھ اس طرح کی تکلیف ہوئی کہ ڈاکٹروں نے  آپریشن تجویز کر دیا۔ اس آزمائش کی وجہ سے میں کافی پریشان تھا۔ اس دوران مجھے سب سے زیادہ فون مرحوم نگرانِ شُوریٰ حاجی محمد مشتاق  عطاریرَحْمَۃُ اللّٰہ ِتَعَالٰی عَلَیْہ نےکیے۔آپ فون پرفرماتے:” بھائی گھر میں سب  کی  طبیعت کیسی ہے ؟بچوں کی امّی کی طبیعت کیسی ہے ؟آپ مدنی کاموں کا جدول اپنے اعتبار سے بنائیےگا، پہلے گھر کو دیکھیے،آپریشن) (Operation کروایا یا نہیں کروایا؟، کیا رپورٹ آئی؟ گھر والوں کاخیال رکھئے گا۔“گفتگو کا اختتام  یوں فرماتے :”میرے لائق کوئی خدمت ہوتو ضرور ارشاد فرمائیے گا،کسی چیز کی ضرورت ہو تو ضرور یاد فرمائیے گا ۔“اس کے بعد آپ خوب دعاؤں سے نوازتے۔حاجی مشتاق عطاری رَحْمَۃُ اللّٰہ ِتَعَالٰی عَلَیْہ کی دل جوئی اور خیرخواہی کے یہ مُخلصانہ انداز آج بھی یاد آتے ہیں اور آپ رَحْمَۃُ اللّٰہ ِتَعَالٰی عَلَیْہ کی شفقتوں کی مہک آج بھی میرے دل و دماغ کو معطر کردیتی ہے ۔(عطار کا پیارا، ص۱۴۲) آئیے!اپنےاورمسلمانوں کےلیےاللہ پاک سےدعا کرتے ہیں:

جو ہیں بیمار صحّت کے طالب                          ان پہ فرما کرم ربِّ غالب

تجھ سے رَحم و کرم کی دُعا ہے                     یاخُدا! تجھ سے میری دُعا ہے

میری جان آفَتوں سے چھڑانا        مُوذی اَمْراض سے بھی بچانا

تجھ کو صِدّیق کا واسطہ ہے                             یاخُدا! تجھ سے میری دُعا ہے