پنڈلی تک ) ہوتا تھا۔‘‘(الشمائل المحمدیۃ،باب ماجاء فی صفۃ ازار۔۔۔الخ،ص۸۵)

                میٹھے میٹھے اسلامی  بھائیو! اَمِیْرُالْمُؤمنین حضرت سَیّدُنا عُثمانِ غنی رَضِیَ اللہُ تَعَالٰی عَنْہُ  کا سُنَّتِ رسول پر عمل کا جَذبہ مرحبا!آپ رَضِیَ اللّٰہُ تَعَالٰی عَنْہُ  لباس پہننے میں بھی نبیِّ کریم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی پیروی فرمایا کرتے ۔ ہمیں بھی سُنَّت کے مُطَابِق  لباس ،سر پر زُلْفیں اور عمامہ شریف ،چہرے پر شریعت کے مُطَابِق  ایک مُٹھی داڑھی ،آنکھوں میں سُرمہ، سرمیں تیل  لگا کر سُنَّتوں کی چلتی پِھرتی تصویر بن جاناچاہیے اورفیشن  والے  تنگ و چُسْت  لباس پہننے سے نہ صِرْف خُود بچنا چاہیے بلکہ دوسروں کو بھی شَفْقَت و مَحَبَّت سے سمجھاتے ہوئے سُنَّتوں پر عمل کی ترغیب دِلانی چاہیے۔

صَلُّوْا عَلَی الْحَبِیْب!                                           صَلَّی اللّٰہُ تَعَالٰی عَلٰی مُحَمَّد

میٹھے میٹھے اسلامی بھائیو!آئیے! اب  اَمِیْرُالمؤمنین حضرت سَیّدُنا عُثمانِ غنی رَضِیَ اللہُ تَعَالٰی عَنْہُ کے چند اَلْقابات اور ان کی وُجُوہات سُنْتے ہیں۔

پہلا لقب، ذُوالنُّورَین:

اَمِیْرُالْمُؤمنین حضرت سَیِّدُناعُثمانِ غنیرَضِیَ اللّٰہُ تَعَالٰی عَنْہُکاایک مشہور ومعروف لقب ’’ذُوالنُّوْرَیْن یعنی دو نُور والا‘‘بھی ہے۔اس لَقَب کی زِیادہ مشہور وجہ یہ ہے کہ آپ رَضِیَ اللّٰہُ تَعَالٰی عَنْہُ کے نکاح میں یکے بعد دیگرےحُضُورپُر نُور صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی دو شہزادیاں حضرت سَیِّدَتُنا رُقَیَّہاور حضرت سَیِّدَتُنا اُمِّ کُلْثُوم رَضِیَ اللّٰہُ تَعَالٰی عَنْہُمَا آئیں،اسی وجہ سے آپ کو’’ذُوالنُّورَین‘‘ کہاجاتا ہے۔(تھذیب الاسماء، باب العین والثاء المثلۃ، ج۱، ص۴۵۳)

صَلُّوْا عَلَی الْحَبِیْب!                                           صَلَّی اللّٰہُ تَعَالٰی عَلٰی مُحَمَّد