دُوسرا لقب، جامِعُ القرآن:

آپرَضِیَ اللہُ تَعَالٰی عَنْہُکاایک لقب”جامعُ الْقرآن“بھی ہے۔اَمِیْرُالمؤمنین حضرت سَیِّدُنا ابُوبکر صدّیقرَضِیَ اللّٰہُ تَعَالٰی عَنْہُ نے اپنے عہد میں اَمِیْرُالمؤمنین حضرت سَیِّدُنا عمرِ فارُوقِ اعظم رَضِیَ اللّٰہُ تَعَالٰی عَنْہُکے مشورے سے مُتَفَرِّق مَقامات سے قرآنِ پاک کے تمام صَحائِف جَمْع کرلیے تھے، مگر اس میں تین(3) کام باقی تھے، جَمْع کیے گئے صحائف کو ایک مُصْحَف میں نَقْل کرنا، پھر اس ایک مُصْحَف کے مُختلِف نُسْخے اسلامی مَمالک کے بڑے بڑے شہروں میں تقسیم کرنا اور سب کو لہجہ ٔقُریش پر پڑھنے کا حکم دینا۔ یہ تینوں کام اللہ پاک نے اَمِیْرُالمؤمنین حضرت سَیّدُناعُثمانِ غنی رَضِیَ اللّٰہُ تَعَالٰی عَنْہُ سے لیے اور قرآنِ عظیم کا جَمْع کرنا وعدۂ الٰہیّہ کے مُطابِق تامّ وکامِل(مکمل) ہوا ،اس لیے اَمِیْرُالْمُؤمنین حضرت سَیّدُنا عُثمانِ غنی رَضِیَ اللّٰہُ تَعَالٰی عَنْہُ کو ’’جامِعُ القرآن‘‘کہتے ہیں۔(فتاوی رضویہ، ج۲۶، ص۴۵۲، فیضان صدیق اکبر، ص۴۱۹،ملخصاً)

صَلُّوْا عَلَی الْحَبِیْب!                                           صَلَّی اللّٰہُ تَعَالٰی عَلٰی مُحَمَّد

تیسرالَقَب، مُجَھِّزُ جَیْشِ الْعُسْرَۃ:

آپ رَضِیَ اللہُ تَعَالٰی عَنْہُ کا ایک لَقَب’’مُجَهِّزُجَیْشُ الْعُسْرَۃ ‘‘بھی ہے، جس کا مَعْنٰی ہے تنگی والے لشکر کی مالی مُعاوَنت کرنے والا۔ جنگ ِتَبُوک کے موقع پر جو اسلامی لشکر تیار ہوا تھا اسے جَیْشُ الْعُسْرَۃ کہاجاتاہے کیونکہ غزوۂ تَبوک نہایت ہی دُشوار مَقام اور شدید گرمی کے موسم میں ہوا۔ حضرتِ سَیِّدُنا عبدُالرحمن بن خَبّاب رَضِیَ اللہُ تَعَالٰی عَنْہُ  سے مَروی ہے کہ میں بارگا ہِ نَبَوی عَلٰی صَاحِبِہَا الصَّلٰوۃُ وَالسَّلاَم میں حاضِر تھا اور حُضورِ اکرم ، نُورِمُجَسَّمصَلَّی اللہُ تَعَالٰی عَلَیْہِ وَاٰلِہٖ وَسَلَّمَ صَحابَۂ کرام عَلَیْہِمُ الرِّضْوَان کو”جَیشِ عُسْرَت“ (یعنی غَزوۂ تَبوک ) کی تیّاری کیلئے ترغیب اِرْشاد فرما رہے تھے ۔ حضرتِ سَیِّدُناعُثمان بن عَفّان رَضِیَ اللہُ تَعَالٰی عَنْہُ نےاُٹھ کر عَرْض کی:یارَسُولَاللہ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ پالان اور دیگر  مُتَعَلِّقَہ سامان سَمیت سو (100)